Matyu 10:2 - Aria New Testament

² Ila aposel songotno orwo angainsak langane. Aposel kene ina angaine Saimon ka angaine silang Pita. E ina tovro Andru iye aposel blang. E Jems e Jon ka isak gute Sebedi titno arang.

Matyu 10:2 ပူးပေါင်းရင်းမြစ်များ

Matyu 17:1

Mase oklou epmes lumakene mela yagos deka Yesus kap Pita e Jems e ina aiver Jon isak vala titito ke gigri ka apna dong egim.

Matyu 20:20

Deka gute Sebedi ila asap kap titno arang orwo time ke Yesus e iye grum kamla e waiki pmi Yesus ke wan gesa.

Matyu 26:37

E iye due Pita e Sebedi titno arang orwo e isak kla kap iye. E aitno kro e aitno soulu lokono.

Matyu 4:18

Oklou kene iye lila ke elim Galili ina dingen batne. E iye vati osep orwo Saimon ka angaine silang Pita e ina tovro Andru. Tiuri omdu lodu ina ke misuon kesua urok bokongon tikngo lodu.

Matyu 4:21

Yesus lila la e iye vati osep leklou. Gute Sebedi kap titno Jems e Jon. Tidong ke bot kap pmarak Sebedi e timosi urok omdu lodu ina. E Yesus gi ke isak.

Mak 1:29

Deka Yesus gosok osep leklou tisongon duningen ina ninu tonari e isak kla tipolou ke Saimon orwo ina tovro Andru urok ninu deka tisepe. E ari Jems e Jon isak kla kap isak blang.

Mak 13:3

Yesus songon omur ka lelei Ida Tapolngon ila ninu deka la ke gigri Oliv ka dong leklou ari deka iye duru dong ine. Deka ila disaipel apanal Pita e Jems e Jon e Andru vala tidong tipmi iye langane.

Mak 6:30

Mase osep aposel ina ti-bauluk tiding ke Yesus blang. Deka tipolou ke bitna e tipalongo ila ke urok langan. Tipalongo ila ke elio bitna bitna ka tidue e ke pelengon ka tiparere osep ine.

Luk 11:49

Oglou Ida Tapolngon ka ila ilengen ombatno wai langane. ‘Ma ngapagei osep napaprangan ina e osep aposel ina ke osep. Ma osep tidue burwa ke isak leklou e ma tidue agegeng ke isak leklou silang.’

Luk 22:14

Taim ka tingen rogo omba ina ngangon polou e Yesus kap ila aposel tidong ke bota.

Luk 22:8

E Yesus wai ke Pita e Jon langane. “Umala umekere wan bitna bitna ma itangen rogo omba ina ngangon.”

Luk 5:10

E Jems e Jon ka isak Sebedi titno arang ka tiboko kap Saimon tidigrik blang. Deka Yesus wai ke Saimon langane. “Emlim kovok. Kesua oglou omboko ma omkngo lodu e nogrum ke oku ane lila la ma omboko ma omdue osep ma tididi ngong.”

Luk 9:10

Alo ka osep aposel tiding ke Yesus tipalongo ila ke wan keniye ka tidue. Deka iye due isak vala e tisongon osep leklou e isak kla ke armok kene ka angaine Betsaida.

Jon 12:22

Deka Filip la wai ke Andru ine e isak orwo kla tiwai ke Yesus.

Jon 13:23

E ila disaipel kene ka Yesus lana iye omba ke iye dong olwo boto ke Yesus.

Jon 20:2

Deka iye suong la ke Saimon Pita orwo disaipel silang ka Yesus lana iye omba ke iye e wai ke isak langane. “Tidue Ida Puda ke ina denga e tikalke la e imeile omur ge ka tidue munu ine kovok.”

Jon 21:2

Saimon Pita dong kap Tomas ka angaine silang Didimus e Nataniel ka ila armok batne Kana ka dong ke omur Galili e Sebedi titno arang orwo e Yesus ila disaipel orwo silang.

Jon 21:20

Deka Pita bauluk e vati disaipel ka Yesus lana iye omba ke iye didi isak. E disaipel tonari iye gute ka munu olwo boto ke Yesus omun ine alo ka tingen ngangon e iye pmi Yesus langane. “Ngau Puda sei ma lai wom ngap?”

Jon 21:24

E ngong disaipel are e ngapalongo osep urok ke elio ane e ngasogo pelengon ane. E iteile lou pelengon iye pelengon lokono.

Jon 6:67

Deka Yesus pmi ila disaipel songotno orwo langane. “Umu blang umawaiki umosongon ngong?”

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Jon 6:71

Yesus wai langane ke gute Judas ka Saimon Iskariot otno arang. Iye gute kene ke disaipel songotno orwo e dau mase iye lai Yesus ina.

Jon 6:8

E ila disaipel silang Andru ka Saimon Pita ina tovro wai ke iye langane.

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Aposel 1:26

Deka tiuri opmu orwo ka angainsak dong ine ma tile Ida Tapolngon aitno. E nisngen tonari la ke Matias. Deka tile omur ke gute ka Ida Tapolngon waiki ma kasip Judas amune. Deka iye neklep ke osep aposel songotno kene deka iye boko kap isak.

Aposel 12:2

Deka iye wai ke osep ola ina langane. “Umodue elil omba e umoblou Jon ina tovro Jems agune kopuk la ma iye mete.”

Aposel 3:1

Oklou gesa Pita orwo Jon isak kla ke Ida Tapolngon ila ninu. Ari oklou aling aling langka 3 kilok ke kirui osep Yuda ina tipolou ke Ida Tapolngon ila ninu ma tiwai itau ine.

1 Korin 15:7

Mase iye polou ke Jems e iye vati iye deka mase iye polou ke osep aposel keniye blang e tivati iye.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

1 Pita 1:1

Ngong Pita ngong Yesus Krais ila aposel gesa. Ngasogo pas ane uti ke umu ka Ida Tapolngon ila osep ka umodong umadardar langka osep kaulei ke provins Pontus e provins Galesia e provins Kapadosia e provins Esia e provins Bitinia.

2 Pita 1:1

Ngong Saimon Pita ngong Yesus Krais ila wokboi nating e ila aposel gesa. Iye Ida Tapolngon e Ida Luangan blang. Iye due elio itau e osuk e kar ila elio tonari ke ite ma aitno lite la dagar ine. Ngasogo pas ane uti ke umu ka aitno lumu ila dagar eriar langka aitno limi ila dagar.

2 Jon 1:1

Ngong gute ka ngaplau Ida Tapolngon ila osep e ngasogo pas ane uti ke wom apmang ka Ida Tapolngon rere wom ila apmang e ngasogoe uti ke titim blang. Ngawai lokono langane. Ngong lana ngong ke wom. E osep leklou ka tile pelengon lokono isak lana isak ke wom blang.

3 Jon 1:1

Ngong gute kene ka ngaplau Ida Tapolngon ila osep e ngasogo pas ane uti ke wom Gaius. Wom lou aten e silang blang wom langka erigu e ngong lana ngong ke wom lokono.

Pelengon kukwopngon 1:1

Pelengon ka oglou dong kukwop eknikane Yesus Krais due polou malak. Ida Tapolngon palongo pelengon tonari ke Yesus ma iye palongo ila osep wokboi nating ke wansua ka ma polou. Deka Yesus pagei ila ensel gesa me kar pelengon tonari ke ngong Jon ka ngong ila wokboi nating.

Pelengon kukwopngon 1:9

Ngong Jon e ngong ngagosok umu itodong ke Yesus ila osua. Agegeng ka polou ke umu polou ke ngong blang kesua ngadong langka umu e itodong dagar ke elio ka opru ite. Nganapapra Ida Tapolngon ila pelengon e ngawai pelengon lokono ka la ke Yesus. Deka osep tisapir ngong e tidue ngong ngadong ke aidunu ka angaine Patmos.

Pelengon kukwopngon 18:20

“Umu ka umodong ke omur heven e umu ka Ida Tapolngo ila osep e ila aposel e ila osep napaprangan ina umasandir ke wan ka polou ke armok tonari. Kesua Ida Tapolngon due agegeng ine. Kesua batne ke ila elio soulu iye due ke umu.”

Pelengon kukwopngon 22:8

Ngong Jon e ngaklingen pelengon tonari e ngavati elio tonari. E alo ka ngaklingen ine e ngavati kodong deka ngagrum kongu olwo boto ke ensel ka nis ngong ine kamla e ngawaiki ngalotuim iye.