Matyu 10:19 - Aria New Testament

¹⁹ E alo ka tidue umu umevri ke osep amtarsak aitno lumu mter pula ke wan ka umawai koke wan ka umodue kovok. Aurou. Alo ari Ida Tapolngon ma kar lumu pelengon ke umu ka ma umawai.

Matyu 10:19 ပူးပေါင်းရင်းမြစ်များ

Matyu 10:18

Aitno lumu dagar ke ngong e ke batne langane osep ma tidue umu umevri ke osep ka tiplau omur emkil e osep ka tivri mgo ke omur omur amtarsak. Ma umapalongo urok e osep ka isak osep Yuda ina kovok ke aitno lumu ila dagar.

Matyu 6:25

“Ngawai ke umu langane. Aitno lumu mter pula ke lumu mosongon ke taklak ane kovok. Aitno lumu mter pula ke wan ka umangen koke wan ka umeinim koke wan ka umetnei kovok. Lange? Wan ka umangen koke wan ka umetnei isak wan omba ke lumu mosongon? Aurou.

Matyu 6:31

E oku ane aitno lumu kro pula langane kovok. Ipem ngangon dong ma imakaranga imangen koke aurou? Ipem aki dong ma imakaranga imeinim koke aurou? Limem klos dong ma imakaranga imetnei koke aurou?

Matyu 6:34

E silang blang aitno lumu mter pula ke wan ka ma polou kotu kovok. Kesua alo ka kotu polou ma aitno lumu mter ine. E ke oklou kene kene elio opru ka dong ine karanga ke oklou tonari vala.”

Luk 12:11

“E alo ka osep tipaur umu ke duningen ina ninu e umodong ke osep plaungan ina e osep gavman ina amtarsak aitno lumu kro ke pelengon ka ma umawai ke isak koke wan ka umodue kovok.

Luk 12:12

Kesua ke alo ari Ano Itau ma kar pelengon ke umu ka ma umawai ine ke isak.”

Aposel 6:10

Osep tonari tipara pulu pelengon kap Stiven e tikaranga timole kovok. Stiven ila pelengon mole urok pelengon kesua Ano Itau due aitno deka iye ile omur itau.

Filipai 4:6

Aitno lumu kro ke wan gesa kovok. Aurou. Aling aling umepmi Ida Tapolngon ke wan bitna bitna ka ma lua umu. E silang blang umawai tenkyu ke wan ka pula keniye ka iye due.

2 Timoti 4:17

Alo ari Ida Puda dong kap ngong e kar ila arit ke ngong. E nganapapra Ida Tapolngon ila omon itau ke osep ka pula keniye ka isak osep Yuda ina kovok. E osep tiwaiki timluk ngong ma ngamete e Ida Puda lua ngong ine.

Jems 1:5

E dau langka gute gesa ke umu karanga ile itau ke wan kene kovok ma iye pmi Ida Tapolngon ine e Ida Tapolngon ma kar ilengen ke gute tonari. Aling aling Ida Tapolngon kar ilengen omba ke osep ka tipmi iye ine e aitno soulu ke pmingen tonari kovok.