Matyu 10:16 - Aria New Testament

¹⁶ “Ngapagei umu ke osep e umodong langka sipsip titno e tidong langka gemle kevena. Aitno lumu mter itau ke wan bitna bitna langka mota aitno mter e ile itau ke wan e umodue elio molil molil langka belis.

Matyu 10:16 ပူးပေါင်းရင်းမြစ်များ

Matyu 24:25

Umoklingen. Ngawai ke umu oku ane ke wan ka ma polou.

Matyu 24:45

E Yesus wai blang langane. “Wokboi nating sei iye ile itau e didi ina puda ila pelengon alo ka ina puda la ke langan? E ina puda ma due iye plau osep bokongon ina leklou ma iye kar isak inarak ngangon alo ka ina puda rere.

Matyu 25:2

E apmang elme ke isak aitno lisak kaka e apmang elme leklou aitno lisak mter itau.

Matyu 25:4

E apmang ka aitno lisak mter itau tikalke wel leklou ke urok lam ke botol.

Matyu 25:9

E apmang ka aitno lisak mter itau tikoli tiwai langane. ‘Aurou. Wel dong ka karanga ke imi e umu blang kovok. Umala ke osep ka tidue burong ke wel e umekli lumu wel.’

Luk 10:3

Umala ke lumu langan. E umoklingen. Umodong langka sipsip titno e ngapagei umu airavu ke osep ka isak langka gemle kevena.

Luk 21:15

Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok.

Aposel 20:29

Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

1 Korin 14:20

Sipmi. Aitno lumu mter ke elio pula langka agau aitno lisak mter ine kovok. E ke aitno lumu umodong langka osep ngongle. E umodong langka agau aren aren ke elio bitna bitna ka soulu.

2 Korin 1:12

Aitno lungong itau ke elio kene. Ke aitno lungong ngaile Ida Tapolngon lua ngong ma ngadue elio osuk lokono e elio itau. Ida Tapolngon makai ngong deka ngadidi elio tonari e ngadidi ilengen ka taklak ane ina kovok. Ngadidi elio itau ke osep pula e dau ngadidie kap umu lokono.

2 Korin 11:14

E ngawai pelengon tonari e itedigrik ine kovok kesua Satan iye tona bisi ila elio e polou bitna langka iye Ida Tapolngon ila ensel gesa ka bublo.

2 Korin 11:3

Oglou mota ka ila aiding yakngan yak Eva e Eva didi iye. E aitno lungong kro lokono lama osep leklou tiyak umu e aitno lumu ila dagar segesege e dong dagar ke Krais kovok.

2 Korin 8:20

E imawaiki osep aitno lisak itau ke limem elio ka imogom deka imotongo mani ane. Kesua mani omba e imawaiki imaplaue itau lama osep tidue adis ke imi.

Filipai 2:15

Umodue langare kovok ma umu ka Ida Tapolngon titno umu lumu moso-ngon itau e osep tikaranga tisin elio soulu gesa vri ke umu kovok. Umeile umodong airavu ke osep epmes ina e aling aling tidue elio soulu. E umopolou langka bublo-ngon ka nis isak ke elio itau.

Kolosi 1:9

Deka nogrum ke oklou mgongon ina ka imeklingen ke lumu elio itau aling aling imawai itau e imepmi Ida Tapolngon ma iye lua umu ma umeile omur ke aitno. E ma Ano Itau kar umu ilengen itau ma umeile ke elio bitna bitna ka aitno itau ine ma elio tonari bon ke aitno lumu.

Kolosi 4:5

Alo ka umodong airavu ke osep epmes ina umeile umu itau ma umodue elio itau vala. Umodong umaplau umu itau ma umakaranga umodue elio itau ka nis isak ke aitno lumu ila dagar.

1 Tesalonaika 2:10

Umeile e Ida Tapolngon blang ile limem elio ka imodue ke umu ka aitno lumu dagar ke Krais. Imodue elio itau vala ke Ida Tapolngon bitna e imodue elio soulu ke umu kovok e gute gesa karanga sin elio soulu vri ke imi kovok.

1 Tesalonaika 5:22

E umopul dogur ke elio soulu ka pula keniye.