Matyu 10:1 - Aria New Testament

¹ Yesus gi ke ila disaipel songotno orwo e kar isak arit ma tikaranga tisapir angelo soulu e tidue osep ka tipaia e tarna lisak sasi tipolou itau blang.

Matyu 10:1 ပူးပေါင်းရင်းမြစ်များ

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 26:20

Alo ka epmes polou iye munu ke bota kap ila disaipel songotno orwo.

Matyu 26:47

Alo ka Yesus dau wai Judas ka iye gute kene ke disaipel songotno orwo me ke iye. E osep loulou ina ka omba e osep ngongle ke osep Yuda ina tipagei osep pula ka tikalke elil omba e akai kap iye.

Matyu 4:23

E Yesus lila lelei ke omur Galili e parere osep Yuda ina ke urok duningen ina ninu. Iye napapra omon itau ka la ke omur ka Ida Tapolngon plaue. E iye due osep ka tipaia ke paiangan bitna bitna e osep ka pampamu lisak soulu tipolou itau blang.

Matyu 6:13

Omlua imi ma imoulou ke tokngon e ma elio soulu due imi kovok.’” “Kesua wom tona emvri mgo ke wan ka pula keniye. E lem arit e lem bublongon dong vala dong. Lokono.”

Matyu 9:35

Yesus la ke armok omba e armok daudeng keniye ke omur Israel. Iye parere isak ke urok duningen ina ninu e napapra omon itau ka la ke omur ka Ida Tapolngon plaue. E iye due osep keniye ka paiangan bitna bitna tidue isak e ka pampamu lisak soulu tipolou itau blang.

Matyu 9:38

Umepmi Upu Puda ka plau ngangon ina pingen ma iye pagei osep bokongon ina kla ma tipi ngangon tonari.”

Luk 10:19

Umoklingen. Ngakar lou arit ke umu ma umakaranga umelila e kopmu tipes mota soulu e tipes gitu e umomole upu oul Satan. E wan gesa karanga due asmel ke umu kovok.

Luk 21:15

Kesua ma ngakar lumu pelengon e lumu ilengen ke umu e ma upu oul tikaranga tiplie koke tipara pulu ine kovok.

Luk 24:49

Umoklingen. Oglou Livou wai promis ma iye pagei Ano Itau duru ke umu e isuk boto ma ngapagei iye ke umu. E umodong ke armok ane la lama umodue Ida Tapolngon ila arit.”

Luk 6:13

Kotkotu polou e iye gi ke ila disaipel pula e rere osep songotno orwo vala ke isak e sir isak aposel.

Jon 17:2

Kesua amkar arit ke ngong ma ngaplau osep ka pula keniye ma ngakaranga ngakar mosongon ka dong vala dong ke osep ka amkar isak ke ngong.

Jon 3:27

E Jon koli wai ke isak langane. “Gute karanga due wan ka Ida Tapolngon kare ke iye vala.

Jon 3:35

Ida Tapolngon ka Pmada lana iye ke Otno Arang e kar wan ka pula keniye ke limla ma iye plaue.

Jon 6:70

Deka Yesus koli wai ke isak langane. “Ngong tona ngarere umu songotno orwo ma umodong lou disaipel e dau gute kene ke umu langka angelo soulu dong ke iye.”

Aposel 1:8

E umoklingen lou pelengon langane. Mase ma Ano Itau duru deka dong ke aitno lumu e ma iye kar ila arit ke umu deka ma lua umu ine. Deka ma umanapapra ngau basikngen ke osep ka tidong ke armok Jerusalem e omur Judia e omur Samaria. Deka ma umala ke omur ka pula keniye ke taklak e umanapapra ngau basikngen ke osep pula.”

Aposel 19:15

Aling kene tidue langane ke angelo soulu gesa deka iye koli wai ke isak langane. “Ua. Ngaile Yesus e ngaile Pol e umu osep sei? Kesua ngaile umu kovok.”

Pelengon kukwopngon 12:1

Deka nisngen ka omba polou ke sirva. Nisngen tonari langka apmang ka iye tnei oklou lelei ke iye. E taiko dong moli ke apmang kamla e gigimo songotno orwo tidong ka apna langka hat ka osep ka tivri mgo ke omur omur tisine.