Matyu 1:21 - Aria New Testament

²¹ Ma iye divir mimi arang e ma ambaski angaine Yesus. Kesua ma iye polou gute ka lua osep ke urok elio epmes ina.”

Matyu 1:21 ပူးပေါင်းရင်းမြစ်များ

Matyu 1:25

Iye gi Maria e dau due elio kap iye kovok la lama Maria divir otno arang. Iye divir iye deka Josep baski angaine Yesus.

Luk 1:13

E ensel wai langane. “Sekaraia omulou tarna lugom sakam kesua Ida Tapolngon klingen lem pmingen itau kodong. E lem asap Elisabet ma divir etim arang e ma ambaski angaine Jon.

Luk 1:31

Emklingen. Ma omsomugu e emdivir etim arang e ma ambaski angaine Yesus.

Luk 2:11

Kesua eknikane ke Devit ila armok apmang gesa divir mimi e ma iye polou Upu Luangan ka iye Krais ka Ida Tapolngon rere ma iye lua osep ke urok elio epmes ina e ka iye Upu Puda.

Luk 2:21

Oklou epmes lumeklu mela yagos deka tiulang mimi e tibaski angaine Yesus ke iye. Angaine tonari angaine ka ensel wai ke Maria ine alo ka Maria dau somugu kovok.

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Aposel 13:23

Ari Ida Tapolngon wai dagar ke Devit langane. ‘Mase ma lem napakngan kene ka me batne ma iye polou osep Israel ina Inarak Luangan.’ Mase dau tauni Ida Tapolngon didi ila promis deka pagei Yesus ke itosep Israel ina.”

Aposel 3:26

Deka Ida Tapolngon didi ila pelengon dagar e pagei ila gute bokongon ina Yesus ke umu kodong. Mgongon iye polou ke umu kesua iye waiki lua umu ma umabauluk aitno lumu ke lumu elio epmes ina.”

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.

Hibru 7:25

Iye gute loulou ina ka dong vala dong deka iye karanga lua osep ma isak kla olwo boto ke Ida Tapolngon batne ke ila bokongon. Kesua iye dong vala dong ma iye wai itau ke Ida Tapolngon ke isak.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 3:5

Umeile omur langane. Krais polou langka itosep ma iye pi udo elio epmes ina la. E elio epmes ina dong ke Krais kovok.

Pelengon kukwopngon 7:14

E ngakoli ila pelengon langane. “Gute namor ngaile kovok.” Deka iye wai ke ngong langane. “Osep tonari isak osep ka tinamani agegeng ke inarak oul. E tigrong urok molo ke Sipsip Otno ina marau deka urok molo polou okou lokono.