Matyu 1:16 - Aria New Testament

¹⁶ E Jekop divir otno arang Josep. E Josep iye apmang Maria ila boget. E Maria somugu e divir Yesus ka ina sirngen Krais. Iye gute ka Ida Tapolngon rere ma iye lua osep ke urok elio epmes ina.

Matyu 1:16 ပူးပေါင်းရင်းမြစ်များ

Matyu 1:15

E Eliut divir otno arang Eleasar. E Eleasar divir otno arang Matan. E Matan divir otno arang Jekop.

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 16:20

Deka iye wai dagar ke ila disaipel ma tipalongo osep iye gute Krais ka Ida Tapolngon rere ma iye lua isak osep ke urok elio epmes ina kovok.

Matyu 2:13

Osep ka tile omur ke wan bitna bitna kla kodong e Josep munu kudung ano e Ida Tapolngon ila ensel gesa polou ke iye. Ensel polou e wai ke iye langane. “Emtipa e ampaur mimi e tna e umoulou ke omur Isip. E umodong ine la lama ngawai ke wom blang. Kesua ma Herot krim ke mimi ma iye due burwa ine.”

Matyu 27:17

E alo ka osep pula pula tiduni pulu ke ila ninu bitna Pailat pmi isak langane. “Umawaiki ngasongon gute sei ke umu? Gute Barabas koke gute Yesus ka tisir iye Krais?”

Matyu 27:22

Deka Pailat pmi isak langane. “Ma ngadue sua ke Yesus ka tisir iye Krais?” E osep tikoli tiwai langane. “Umenilim iye ke ina akai.”

Mak 6:3

Gute ane iye kamda vala. Tna Maria e ina saiver Jems e Joses e Judas e Saimon. E sulutno blang tidong ke armok ane.” Osep tiwai langane e aitno lisak soulu lokono ke Yesus.

Luk 1:27

Iye la ke apmang ka due elio kap gute dau kovok ka angaine Maria. Osep tiwai kodong ma Maria gi gute ka angaine Josep ka dong ke Devit ila osua.

Luk 2:48

E alo ka timla e tna tivati iye tidigrik e tna pmi iye langane. “Erigu arang ina lange omdue elio langane ke imi? Ngong e abo aitno limi kro lokono e imekrim ke wom.”

Luk 2:7

E Maria divir ina sirngen otno arang e tikading iye ke molo arlak e tidue munu ke karoro ka ongwa aim tingen inarak ngangon ine. Tidue langane kesua spes dong ke isak ke ninu kaulei ina kovok.

Luk 3:23

E Yesus ina tobor iseklu alo ka iye nogrum boko ke Ida Tapolngon ila bokongon. Osep pula aitno lisak mter iye gute Josep otno arang. E Josep gute Heli otno arang.

Luk 4:22

E osep are tiwai ila pelengon lokono e aitno lisak mter pula ke ila pelengon itau ke iye wai ine. Deka tipmi pulu langane. “Gute ane Josep otno arang i?”

Jon 4:25

Deka apmang wai ke iye langane. “Ngaile Mesaia ka Krais ka iye gute ka Ida Tapolngon rere ma iye lua osep ke urok elio epmes ina ma me e alo ka iye polou ma iye palongo udo malak ke wan bitna bitna keniye.”