Mak 9:50 - Aria New Testament

⁵⁰ “Sol wan ka itau. E langka sol emlel ma umakaranga umodue ma polou galo blang kovok. Deka langane. Eriar langka sol ka galo lua itosep deka umodue elio itau ka tilua umu. E aitno lumu tidong epen pulu.”

Mak 9:50 ပူးပေါင်းရင်းမြစ်များ

Matyu 5:13

“Umu langka sol ke osep ka tidong ke taklak. E langka sol galo kovok lange ma itodue sol tonari polou galo blang? Aurou. Iye itau ke wan gesa kovok e ma itouri ke taklak e osep tilila e tipese ke kamsak.

Mak 9:34

Yesus pmi isak langane e tikoli ila pelengon kovok e tidong vala. Kesua alo ka isak dau tididi ekreng timter pelengon pulu ke sei ma mgo ke isak.

Mak 9:49

Eriar langka osep tidue sol duru ke ngangon ma Ida Tapolngon due eiou ombatno ngen osep.”

Pas ka Pol sogoe uti la ke osep Rom ina 12:18

Aitno lumu epen pulu. Langka aitno lumu langane ma umodong itau pulu.

2 Korin 13:11

Sipmi. Ngababrum lou pelengon ane. Aitno lungong itau ke umu. Ngawaiki umomosi lumu elio ka ulik ulik. Ngawaiki umoklingen e umedidi lou pelengon ka ngawai ine kodong. Ngawaiki aitno lumu kene pulu e aitno lumu epen pulu. Umodue langane e Ida Tapolngon ka iye lana iye ke osep e due aitno lisak epen pulu ma dong kap umu.

Galesia 5:22

E Ano Itau sruk aitno lite ma itodue elio itau langane. Ite lana ite ke sudo lelkou e aitno lite neser kap sudo e aitno lite epen pulu e aitno lite epis alo ka wan polou ka opru ite. E itodue mada ke osep leklou e itodue elio itau ke isak e itawai deka itedidi udo pelengon.

Efesus 4:29

Umawai pelengon ka soulu kovok e umawai pelengon ka itau vala. Kesua pelengon ka itau ma lua osep ke urok mosongon e ma due aitno lisak itau e tile omur itau. Deka ma lumu pelengon lua osep ka tiklingen ine.

Filipai 1:27

Wan ka omba langane. Ngawaiki lumu mosongon didi pelengon ka Krais ila omon itau wai ine. Ngawaiki langka ngauti ke umu koke ngauti kovok ma ngaklingen pelengon langane. Umevri dagar e aitno lumu kene pulu e lana lumu kene vala. E umoboko dagar pulu ma umosruk osep ma aitno lisak la dagar ke omon itau.

Kolosi 3:12

Deka langane. Umu Ida Tapolngon ila osep e iye lana iye ke umu e iye rere umu ila osep itau. Deka umodue elio bitna bitna langane. Elio ka aitno lumu due osep ka wan soulu polou ke isak e elio ka umodue mada ke osep e elio ka umodong moli e umepes angainmu. E elio ka umodue elio molil ke osep e elio ka amnga umu suong kovok ke osep ka tidue elio soulu ke umu.

Kolosi 4:6

Alo ka umawai kap osep aling aling umawai ke pelengon ka itau vala ma aitno lisak itau ine. Alo ka umokoli osep urok pmingen umokoli ke pelengon lokono vala.

1 Tesalonaika 5:13

Umodue anit ke isak e umu lana umu ke isak. Kesua urok bokongon lua umu pula. E aitno lumu dong epen pulu.

2 Timoti 2:22

Osep auram aitno leklou urok elio bitna bitna soulu. E ngawaiki ompul dogur ke elio soulu tonari. E emdidi Ida Puda ila elio ka langane vala. Aitno lugom dong dagar ke Ida Puda e wom lana wom ke osep e omgosok isak aitno lumu epen pulu. Omdue langane kap Ida Puda ila osep ka aitno lisak itau lokono e tiwai itau ke Ida Puda.

Hibru 12:14

Umu arit umu ma aitno lumu epen kap osep ka pula keniye e umodue elio isuk isuk ka Ida Tapolngon aitno itau ine. E langka osep tidue elio isuk isuk ka Ida Tapolngon aitno itau ine kovok deka tikaranga tivati Ida Puda kovok.

Jems 1:20

Kesua alo ka aitno lite amnga ane karanga due elio itau ka Ida Tapolngon aitno itau ine polou kovok.

1 Pita 3:8

Ngababrum lou pelengon langane. Ngawaiki aitno lumu kene pulu e aitno lumu itau ke osep leklou e umu lana umu ke supmu leklou. E umodue mada ke osep leklou e umepes umu tona.