Mak 8:38 - Aria New Testament

³⁸ Eknikane osep ka pula keniye ka tidong ke taklak ane tidong tidar Ida Tapolngon ila pelengon dagar e tipul dogur ke iye. Langka gute gesa mnak iye ke ngong e ke lou pelengon io mase ma ngong mnak ngong ke iye. Alo ka ngong ka Gute Ka Polou Langka Osep ngabauluk ke taklak blang kap Livou ila bublongon e ila ensel ka itau ma ngong mnak ngong ke gute tonari.”

Mak 8:38 ပူးပေါင်းရင်းမြစ်များ

Matyu 12:39

E Yesus koli wai ke isak langane. “Osep ka tidong oku ane isak osep soulu e aitno lisak dagar ke Ida Tapolngon kovok e tiwaiki tivati nisngen gesa. E ma umavati nisngen ka la ke gute napaprangan ina Jona vala.

Matyu 13:41

Gute Ka Polou Langka Osep ma pagei ila ensel e tipi osep ka tidue osep leklou tidue elio epmes ina e tipi osep ka tidue elio epmes ina ke omur ka iye plaue.

Matyu 16:27

Kesua Gute Ka Polou Langka Osep ma me ke Timla ila bublongon kap ila ensel. E alo ari ma iye kar klingen ke elio bitna bitna ka osep tidue.

Matyu 16:28

Ngawai lokono ke umu langane. Umu leklou ma dau umodong alo ka Gute Ka Polou Langka Osep ma me ke omur ka iye plaue.”

Matyu 16:4

Osep ka tidong oku ane isak osep soulu e aitno lisak dagar ke Ida Tapolngon kovok e tiwaiki tivati nisngen. E ma tivati nisngen kene ka la ke gute Jona vala.” E Yesus songon isak e la.

Matyu 24:30

Deka nisngen ke Gute Ka Polou Langka Osep ma polou ke sirva e osep ka pula keniye ke taklak ma tikngis. Ma tivati Gute Ka Polou Langka Osep me ke gaup ke sirva. Iye me kap ila bublongon e ila arit ka ombatno.

Matyu 25:31

“Alo ka Gute Ka Polou Langka Osep iding me ke ila bublongon iye ma me kap ila ensel keniye. Deka ma iye dong ke ila kova ka itau lokono.

Matyu 26:64

E Yesus koli wai langane. “Wom tona amwai ine e dau ngawai ke umu langane. Mase ma umavati Gute Ka Polou Langka Osep dong ke Ida Tapolngon ka ila arit ombatno limla odung. E ma umavati iye me ke taklak ke gaup ke sirva.”

Matyu 8:20

E Yesus koli wai langane. “Pokis tidong ke urok ovuk ke taklak e monuk tidong ke urok onuk e ngong Gute Ka Polou Langka Osep lou omur ka ngamunu ine dong ke taklak ane kovok.”

Mak 13:26

Deka ma osep tivati ngong ka Gute Ka Polou Langka Osep ngaduru ke gaup kap lou arit e lou bublongon ka isak ombatno lokono.

Mak 14:62

Deka Yesus koli wai langane. “Iye ngong tona aneo. Mase ma umavati ngong ka Gute Ka Polou Langka Osep ngadong ke Ida Tapolngon limla odung. Ma umavati ngong ngame ke gaup ka mana ke sirva.”

Mak 8:37

Langka gute gesa waiki kli mosongon ka itau ka dong vala dong ma iye uri mani ka lange ine?

Luk 19:26

E gute wai ke isak langane. ‘Ngawai ke umu langane. Osep ka urok wan dong ma tidue wan pula blang. E osep ka aitno lisak mter urok wan dong ma osep tipi wan tonari.

Luk 9:26

Langka gute mnak iye ke ngong koke lou pelengon ma ngong ka Gute Ka Polou Langka Osep mnak ngong ke iye alo ka ngaiding ngame ke lou bublongon e ke Livou ila bublonon kap ila ensel ka itau lokono.

Jon 1:14

Gute ka ina sirngen Ida Tapolngon Ila Pelengon polou langka itosep e ke sasi boto iye dong kap ite e itavati ila bublongon e ila arit ka ombatno. Iye dong langane kesua iye Ida Tapolngon Otno Arang ka kene vala e elio ka iye makai ite e wai pelengon lokono bon ke iye.

Jon 1:51

E Yesus wai blang langane. “Ngawai lokono ke umu langane. Mase ma umavati omur heven noklok e Ida Tapolngon ila ensel langka titito e tiduru ke Gute Ka Polou Langka Osep.”

Jon 12:34

E osep pula pula are tikoli tiwai ke iye langane. “Ida Tapolngon ila pelengon dagar wai ke ite ma gute Krais ka Ida Tapolngon rere ma iye lua osep ke urok elio epmes ina ma iye dong vala dong. Ina lange amwai ma osep tidue Gute Ka Polou Langka Osep iye mana ke ina akai? Gute Ka Polou Langka Osep ane iye sei?”

Jon 5:27

E iye kar arit ke ngong ma ngawade osep urok elio kesua ngong Gute Ka Polou Langka Osep.

Aposel 10:22

Deka tipalongo Pita ila langane. “Gute Kornilius pagei imi ke wom. Iye gute ka plau osep ola ina buno kene. Ila elio isuk isuk itau e iye due anit ke Ida Tapolngon. Osep Yuda ina ka pula keniye tidue anit ke iye. Ida Tapolngon ila ensel ka itau lokono polou ke Kornilius deka iye wai langane. ‘Ampagei osep leklou ma isak kla tipolou ke gute Pita e tiwai ke Pita ma iye gosok isak tibauluk ke lem ninu ane. Deka emklingen pelengon ka Pita ma kare ke wom.’”

Aposel 5:41

Deka osep aposel tisongon osep kaunsil ina amtarsak e kla ke dogur. E aitno lisak itau ke Ida Tapolngon kesua iye rere isak e tinamani agegeng ka polou ke isak batne aitno lisak dagar ke Yesus.

Pas ka Pol sogoe uti la ke osep Rom ina 1:16

Eknikane ngong mnak ngong ke Ida Tapolngon ila omon itau kovok. Aurou. Aitno lungong dagar lokono ine vala. Ida Tapol-ngon ila omon itau ila arit karanga lua osep keniye ka aitno lisak dagar ine. Ida Tapolngon ila omon itau me ke itosep Yuda ina mgo. Mase omon tonari la polou ke osep ka isak osep Yuda ina kovok.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

1 Tesalonaika 2:19

E itapara ke alo ka Ida Puda Yesus bauluk me. Alo ka iye bauluk me ma umodue imi ma imapara ke wan itau e imodue sandir ke iye. Umu vala langka limem nisngen ka imodue ila bokongon itau.

1 Tesalonaika 3:13

E ke elio langane Ida Tapolngon ma due aitno lumu dong dagar lokono. Deka alo ka Ida Puda Yesus bauluk me kap ila osep ma iye vati umu umodong itau lokono. Ma umodong itau lokono e lumu elio soulu gesa vri ke umu ke Ida Tapolngon ka Pmada bitna kovok.

2 Timoti 1:12

Ngadue bokongon tonari deka ke batne langane osep tidue agegeng ke ngong. E ngong mnak ngong ke bokongon tonari kovok. Kesua ngaile omur ke Ida Luangan ka aitno lungong dagar ke iye. Ngaile omur iye ma plau ila pelengon ka iye kare ke ngong itau lokono la lama iding ke oklou ka wan ka pula keniye yagos.

2 Timoti 1:16

Ngawaiki Ida Puda due mada ke gute Onesiforus kap ila osua kesua aling pula iye lua ngong e due aitno lungong dong itau. E silang blang ngadong ke kalabus e iye mnak iye ke ngong kovok.

2 Timoti 1:8

Wom mnak wom ke Ida Puda ila pelengon kovok. Aurou. Amnapapra ine vala. E silang blang wom mnak wom ke elio ka ngadong ke kalabus kovok. Ngadong ke kalabus batne ngapalongo osep ke Ida Puda. E itorwo udo bokongon eriar e langka osep tidue agegeng ke ngong ma tidue langane ke wom blang. E dau Ida Tapolngon ila arit ma lua wom ke lem bokongon.

Hibru 11:16

E tidue langane kovok. Aurou. Tikrim ke omur ka mole urok omur oglou ina. Tikrim ke omur heven. Deka tiwai ke Ida Tapolngon langane. “Wom Ipem Tapolngon.” E Ida Tapolngon mnak iye ke urok pelengon tonari kovok e iye rere armok ma tidong ine.

Hibru 11:26

Aitno mter langane. Langka ngong mnak ngong batne aitno lungong la ke gute Krais ka Ida Tapolngon wai dagar ma iye pagei me deka elio ane mole brokngon ka pula keniye ka dong ke omur Isip. Moses aitno mter langane kesua aitno mter mase ma Ida Tapolngon kar ila kerengen ka itau lokono ke iye.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

Jems 4:4

Umopul dogur ke Ida Tapolngon langka apmang ka songon ila boget e la due okwa. E osep ka tididi elio ka taklak ina tipul dogur ke Ida Tapolngon. Deka gute ka waiki didi elio ka taklak ina iye polou Ida Tapolngon ina oul.

1 Jon 2:23

Gute ka pul dogur ke Ida Tapolngon Otno Arang iye dong kap Pmada kovok. E gute ka aitno dagar ke Otno Arang iye dong kap Pmada blang.

1 Jon 2:28

Deka dirgu umodong kap Krais ma alo ka iye polou malak umodong dagar ke iye e umu mnak umu ke bitna kovok.

Pelengon kukwopngon 14:10

Deka ma tinim aki dagar ka lana ine la ke Ida Tapolngon aitno ila engil. Ida Tapolngon baser aki dagar tonari ke kap ka aitno ila engil dong ine. E tibuli aki ine kovok. Deka ke Ida Tapolngon ila ensel amtarsak e ke Sipsip Otno bitna osep tonari ma tinamani omba ke eiou e opmu salfa ka eiou ngene.