Mak 8:34 - Aria New Testament

³⁴ Deka Yesus gi osep pula kap ila disaipel ma time tipolou ke iye deka iye wai ke isak langane. “Langka gute gesa waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Mak 8:34 ပူးပေါင်းရင်းမြစ်များ

Matyu 10:38

E langka tipli tarna lisak e tididi ngong kovok tikaranga tidong lou disaipel kovok. Elio ka tipli tarna lisak ane langka aitno lisak mter urok mosongon ke taklak ane wan omba ke isak kovok.

Matyu 16:24

Deka Yesus wai ke ila disaipel langane. “Langka gute waiki didi ngong ma iye pli tarna e didi ngong. Iye due langane e langka osep tidue elio soulu ke iye e iye mete are wan gesa kovok.

Matyu 27:32

Alo ka osep ola ina dau tilila ke ekreng tipolou ke gute kene ka me ke omur Sairini ka angaine Saimon. E tipagei gute tonari ma iye kalke Yesus ina akai.

Mak 10:21

Yesus vati gute tonari e iye lana iye ke gute. Deka iye wai langane. “Wan kene dong ka dau pes wom. Amla omdue burong ke lem brokngon keniye. Deka amkar lem brokngon ina mani ke osep ka urok wan isuk boto vala. Omdue langane deka mase ma omdue wan itau lokono ka omur heven ina. E omo emdidi ngong.”

Mak 7:14

Deka Yesus gi ke osep pula ma time tipolou ke iye e wai ke isak langane. “Osep umu ka pula keniye umoklingen lou pelengon ane itau ma umeile omur lana ine.

Luk 13:24

“Umu arit umu ma umesep ke ekreng bitna ka daudeng. Ngawai ke umu langane. Osep pula ma tiwaiki tisep ke ekreng bitna tonari e ma tikaranga kovok.

Luk 14:33

E lang­ane ke umu blang. Langka umosongon lumu wan keniye kovok umakaranga umodong lou disaipel kovok.”

Luk 18:22

Yesus klingen ila pelengon deka wai ke iye langane. “Omdue elio kene vala dau kovok. Omdue burong ke lem wan keniye e amkar lem mani ke osep ka urok wan isuk boto vala e wan bitna bitna ka itau lokono ma dong para ke wom ke omur heven. Deka omo emdidi ngong.”

Luk 20:45

E osep pula tiklingen Yesus ila pelengon deka iye wai ke ila disaipel langane.

Luk 9:23

E Yesus wai ke ila disaipel keniye langane. “Langka gute gesa waiki didi ngong ma iye pli tarna e aling aling didi ngong. Iye due langane e langka osep tidue elio soulu ke iye e iye mete are wan gesa kovok.

Jon 10:27

Lou sipsip tiklingen kre lungong. E ngaile isak e tididi ngong.

Jon 19:17

Deka osep ola ina tidue Yesus e tipaur iye tisongon armok e Yesus kalke ina akai. E isak kla ke omur ka tisire omur ka baraine erine e ke pelengon Hibru tisire Golgota.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

Pas ka Pol sogoe uti la ke osep Rom ina 6:6

E silang blang langane. Eriar langka Yesus mana ke ina akai e mete ine ite blang udo elio oglou ina mana e mete kap iye kodong. Udo elio oglou ina mete kap iye. Ma elio tonari ila arit yagos e ma plau ite aling silang blang kovok.

Pas ka Pol sogoe uti la ke osep Rom ina 8:17

E ma Ida Tapolngon kere ite ka titno langka iye kere Krais. Ila kerengen ka la ke Krais kodong ma me ke ite ka titno blang. E silang blang langane. Langka oglou agegeng polou ke Krais agegeng ma polou ke ite blang. E silang blang langane. Eriar langka Ida Tapolngon kakai Yesus ma iye kakai ite kap iye blang.

1 Korin 15:31

Sipmi. Aitno lungong langka oklou aling aling osep tiwaiki tidue burwa ke ngong batne ke lou bokongon. Ite ka pula keniye itodong ke Ida Puda Yesus ila osua deka aitno lungong neser omba ke umu. E ngabisi pelengon ane ke umu kovok.

1 Korin 8:13

Deka langka ngangon ka ngangene due agegeng ke osep leklou ma tidue elio epmes ina ma ngangen ongwa okurne aling silang blang kovok. Lama lou elio due isak tidue elio soulu.

1 Korin 9:19

Ngadong vala e gute silang dong ka plau ngong kovok. E ke aitno lungong ngapolou langka wokboi nating ke osep pula ma ngadue osep pula tisep ke Krais ila osua.

Galesia 2:20

E ke elio ka eknikane ngadong itau kap Ida Tapolngon ngamana kap Ida Puda Yesus Krais ke ina akai kodong e ngamete kap iye. Deka ngadue mosongon oku. E mosongon tonari lou mosongon kovok. Aurou. Krais dong ke aitno lungong deka lou elio isuk isuk e lou bokongon ka ngadue ke taklak ngadue ke aitno lungong ila dagar vala. Aitno lungong dagar ke Ida Tapolngon Otno Arang e aitno itau lokono ke ngong e iye soro pampamu ine ma lua ngong.

Galesia 5:24

Osep ka tidong ke Krais ila osua tidue aitno lisak oglou ina kap elio soulu ka pampamu lisak waiki due e tinilim isak nepek mana ke Ida Puda ina akai e timete kodong.

Galesia 6:14

Ngong tona ngakaranga ngakakai angain ngong kovok. Aurou. Ngakakai Ida Puda Yesus Krais angaine vala. Iye mete ke ina akai e aitno lungong itau ke elio langane. E elio ka taklak ane ina iye mete ke aitno lungong kodong batne ke bokongon ka Krais due ke ina akai. E langka ngong tona ngamete kap Krais ke ina akai deka ngakaranga ngadidi elio ka taklak ane ina kovok.

Filipai 3:10

Ngong lana lungong langane. Ma ngadong kap Krais e ngadue Ida Tapolngon ila arit ka due Krais poga tito ke ina denga. E nganamani elio ka opru ngong langka Krais namani elio ka opru iye. E ngawaiki aitno lungong oglou ina mete langka iye mete.

Filipai 3:7

E lou elio isuk isuk ka oglou ngawaiki tilua ngong eknikane aitno lungong mter isak wan adai vala. Aitno lungong mter langare kesua aitno lungong dagar ke Krais kodong.

Kolosi 1:24

Eknikane aitno lungong itau lokono alo ka nganamani elio ka polou ka opru ngong ma ngalua umu. Elio opru tonari langka elio opru ka Krais namani ka ma lua sios ine e elio opru tonari dau yagos kovok. E ngawaiki ngalua Krais ila sios ka pampamu ine. E ke elio opru ka nganamani ke pampamu lungong ngawaiki ma ngalua sios blang.

Kolosi 3:5

Umemete kap Krais kodong deka umopul dogur ke elio bitna bitna ka taklak ina ka soulu. Elio bitna bitna langka elio ka osep tikepis pulu e elio isungon ina e elio ka aling aling osep tiwaiki tidue elio epmes ina bitna bitna e elio ka osep tingale osep leklou urok wan. Elio ngalengen ina iye langka osep tilotuim sapingen.

2 Tesalonaika 3:11

E eknikane imeklingen omon ke supmu leklou tidue bokongon kovok e tidong adai vala. E tilila adai vala e tiwaiki tile ke osep leklou urok wan vala.

Taitus 2:12

Ida Tapolngon ila makaingan nis ite ke elio ka itopul dogur ke elio ka Ida Tapolngon aitno soulu ine. E nis ite ma itepli elio soulu bitna bitna ka taklak ane ina. E nis ite ma itaplau ite itau e itodue elio itau vala ka Ida Tapolngon aitno itau ine alo ka itodong ke taklak ane.

Hibru 13:13

Deka ite blang langka itala ke armok dogur e itanamani mnakngan langka Yesus namani mnakngan.

1 Pita 4:1

Oglou Krais polou langka itosep e namani elio soulu ka osep tidue ke iye. Deka ngawaiki umu arit umu e aitno lumu mter langane blang kesua alo ka umanamani agegeng ke osep umawaiki umodue elio epmes ina kovok.

1 Pita 4:13

E aitno lumu neser alo ka umanamani agegeng eriar langka Krais namani agegeng. Ma alo ka Krais ila elio ka itau itau lokono polou malak ke osep amtarsak umu blang aitno lumu neser e aitno lumu itau kap iye.

2 Pita 1:14

E ngaile isuk boto ma ngamete. Ida Puda nis ngong ine kodong.

1 Jon 3:16

Yesus lana iye ke ite e pli tarna deka mete ma lua ite. E ila elio tonari nis ite ke elio ka ma ite lana ite ke sudo. Ma itepli tarna lite ma itolua osep leklou.

Pelengon kukwopngon 2:10

Isuk boto ma osep tidue agegeng ke umu. E umoulou tarna lumu ke elio tonari kovok. Umoklingen. Satan due elio ane deka osep tidue umu leklou ma tidong ke kalabus. Elio ane ma tok umu. Deka ma umanamani elio ka opru umu iding ke oklou songotno. E umekis dagar ke aitno lumu ila dagar e langka umemete kape are wan gesa kovok. Umodue langane deka ma ngakar lumu mosongon ka itau lokono ke umu langka upu prais.’”