Mak 7:25 - Aria New Testament

²⁵ Lokono apmang gesa ka angelo soulu dong ke otopmang klingen omon ke omur ka iye dong ine. Deka iye me polou ke iye e grum kamla duru ke taklak ke Yesus bitna.

Mak 7:25 ပူးပေါင်းရင်းမြစ်များ

Matyu 15:22

E apmang Kenan ina ka dong ke omur are me ke Yesus e wai langane. “Puda wom ka osep tisir wom Devit Otno Arang aitno lugom due ngong kesua angelo soulu dong ke etim apmang e due pogle ke iye.”

Mak 1:40

Oklou kene gute gesa ka paiangan lepra due me polou ke Yesus bitna deka grum kamla duru ke taklak e wai langane. “Langka amwaiki omlua ngong ke ngau paiangan ngaile amkaranga omdue.”

Mak 5:33

Apmang tonari ile ina paiangan yagos kodong deka iye ulou tarna e nakarkar. Deka iye me polou ke Yesus bitna e grum kamla duru ke taklak. Deka iye palongo Yesus ke elio keniye ka polou ke iye.

Mak 7:24

Deka Yesus songon omur tonari e la ke omur ka lelei armok Tair. Deka iye la sep ke ninu gesa ma iye dong ine kesua iye waiki osep pula tile ke omur ka iye dong ine kovok. E iye karanga kukwop iye kovok ma osep tile ke iye kovok.

Mak 7:26

Apmang tonari iye apmang Grik ina ka me ke provins Siria e ila omur batne omur Fonisia. Apmang tonari grum kamla duru ke taklak kodong deka iye kel Yesus ma iye sapir angelo soulu ka dong ke otopmang.

Luk 17:16

Iye grum kamla e bitna pes taklak ke Yesus bitna deka iye wai tenkyu ke wan ka Yesus due ke iye. E iye gute Samaria ina.