Mak 6:56 - Aria New Testament

⁵⁶ Deka alo ka iye polou ke armok daudeng koke armok omba koke omur pula ka lelei isak iye lua osep ka tipaia. Deka tipaur osep pula ka tipaia ma time ke urok omur ka tidue bilmu ine e timunu ine. E tikel iye ma iye songon isak ma tikaranga tikai ila molo ene. Deka osep ka pula keniye ka tikai ila molo inarak paiangan yagos e tipolou itau blang.

Mak 6:56 ပူးပေါင်းရင်းမြစ်များ

Matyu 14:36

E tikel Yesus ma iye songon isak ma limsak karanga kai molo ene vala. E osep ka pula keniye ka tikai iye tipolou itau blang.

Matyu 9:20

Isak kla dau e apmang ka ina marau baser ke tobor songotno orwo polou batne ke Yesus e due limla kai ila molo.

Mak 3:10

Osep pula tonari time tipolou ke Yesus kesua batne iye lua osep pula ka tipaia. Deka ari osep pula ka inarak paiangan dong ke isak kotitit isak e tipara pulu ma tikai iye. Kesua aitno lisak mter langka tikaranga tikai iye deka ma inarak paiangan yagos.

Mak 6:55

Deka tisuong tilila ke omur tonari e tiwai ke osep ke omon ka Yesus me. Deka osep pula tikalke osep leklou ka tipaia ka timunu ke kova ma tipolou ke omur ka Yesus dong ine ma iye lua isak.

Luk 22:51

E Yesus wai ke isak langane. “Umodong. Umodue langane sakam.” Deka limla kai gute tala e tala polou itau blang.

Luk 6:19

E osep ka pula keniye tiwaiki tikai iye kesua ila arit polou ke iye e osep ka tikai iye tipolou itau blang.

Luk 8:44

Apmang tonari polou ke Yesus dogurne e limla kai ila molo ene e lokono ina marau baser kovok.

Aposel 4:12

“Umoklingen. Oglou Ida Tapolngon kar itosep Ida Luangan Yesus. Iye tona Ida Luangan lokono e eknikane gute gesa dong langka iye kovok. Gute silang angaine dong ka karanga lua ite kovok. Aurou. Yesus vala Ida Luangan lokono.”

Aposel 4:9

Eknikane umepmi imi ke elio arit ina ka narep due gute ane kamla polou itau blang ina poloungon batne.

Aposel 5:15

Osep pula tivati osep aposel tidue elio arit ina pula deka tikakluk osep ka tipaia ke ekreng galna ka Pita la didie. E osep ka tipaia timunu ke urok kova e urok omoi ke ekreng galna. Timunu ine kesua aitno lisak mter langka Pita polou ke isak e kai isak koke ano klou isak vala ma inarak paiangan polou yagos.