Mak 5:7 - Aria New Testament

⁷ Deka iye wai omba ke Yesus langane. “Yesus wom ka Ida Tapolngon ka ila arit ombatno lokono Otno Arang omo ane ma omdue elio lange ke ngong? Ngakel wom ke Ida Tapolngon bitna ma omdue agegeng ke ngong kovok.”

Mak 5:7 ပူးပေါင်းရင်းမြစ်များ

Matyu 16:16

E Saimon Pita wai langane. “Wom gute Krais ka Ida Tapolngon rere ma iye lua osep ke urok elio epmes ina. Wom Ida Tapolngon ka dong vala dong Otno Arang.”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 4:3

E gute tonari ka waiki tok iye me wai ke iye langane. “Langka wom Ida Tapolngon Otno Arang amwai ke opmu ane ma tipolou bret.”

Matyu 8:29

E tidaiku langane. “Yesus wom ka Ida Tapolngon Otno Arang ma omdue sua ke imi? Omo ma omules imi lama alo ka limem ulesngen ina taim polou dau kovok koke aurou?”

Mak 1:24

“Yesus ka Nasaret ina wom lange wom ka omo omdong are? Omo ma ampaiavu imi? Ngaile omur ke wom. Wom Ida Tapolngon Otno Arang itau ka iye pagei wom omo.”

Mak 14:61

E Yesus dau koli urok pelengon kovok. Iye dong vala. Deka gute loulou ina ka mgo pmi iye langane. “Wom Krais ka Ida Tapolngon ka dong egim Otno Arang wom?”

Mak 3:11

Alo ari angelo soulu ka tidong ke osep leklou tivati iye deka tigene ke Yesus kamla e tidaiku langane. “Wom tona Ida Tapolngon Otno Arang lokono.”

Mak 5:6

Alo ari gute tonari vati Yesus me polou ke omur e iye dau dong mawa ke iye. Deka iye suong la polou ke Yesus bitna deka grum kamla manik duru ke taklak.

Mak 5:8

Gute tonari wai langane kesua Yesus wai ke angelo soulu ka dong ke gute ma iye polou ke gute e la.

Luk 1:32

Ma iye polou gute ka angaine omba e osep tisir iye Ida Tapolngon ka dong egim lokono Otno Arang. E Ida Tapolngon ka Ida Puda ma kar arit ke iye ma iye vri mgo langka ila eia Devit.

Luk 4:34

“Aisudo. Wom Yesus ka Nasaret ina amwaiki omdue wansua ke imi? Omo ma omdue agegeng ke imi? Ngaile wom. Wom gute ka itau itau lokono ka me ke Ida Tapolngon.”

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Luk 8:28

Alo ka iye vati Yesus iye daiku omba e gene ke Yesus bitna. Iye gene deka ngangir langane. “Yesus wom ka Ida Tapolngon ka dong egim lokono Otno Arang amwaiki omdue sua ke ngong? Ngapmi wom dagar ma omdue agegeng ke ngong kovok.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Aposel 16:17

Oklou aling aling apmang ane didi imi imogosok Pol e iye wai omba langane. “Osep ane isak Ida Tapolngon ka mole tapolngon ka pula keniye ila osep bokongon ina. Tiwai ke umu ke pelengon ka karanga lua umu ke lumu elio epmes ina.”

Aposel 19:13

Alo ari osep Yuda ina leklou tisapir angelo soulu ke osep. E osep tonari tilila e tiwai Yesus angaine ke osep ka angelo soulu due isak kesua tiwaiki tisapir angelo soulu ine. Tiwai ke angelo soulu langane. “Yesus ka Pol napapra ine sapir umu e umopolou umala.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Pas ka Pol sogoe uti la ke osep Rom ina 16:20

Deka Ida Tapolngon ka due aitno lite tidong epen ma paiavu Satan ma ila arit yagos. Ma iye karanga due elio soulu ke umu kovok. Ma umomole iye vala. E ngawai ke Ida Tapolngon ma Ida Puda Yesus Krais ila makaingan dong ke umu.

Hibru 2:14

Osep tonari ka Yesus wai ine isak osep vala. E Yesus me polou langka itosep ma iye mete e ina metengen due Satan ila arit ka due osep timete polou yagos.

Hibru 7:1

Oglou Melkisedek vri mgo ke omur ka angaine Salem. E iye gute loulou ina ke Ida Tapolngon ka dong egim lokono. Oglou Abraham due evlei kap osep ka tivri mgo ke omur leklou leklou e iye mole isak e due urok wan bitna bitna. Alo ka iye iding ke ila omur Melkisedek soson iye e wai ila kerengen duru ke iye.

Jems 2:19

Umeile Ida Tapolngon iye kene vala e are itau. Angelo soulu blang tile langane deka tilim e tinakarkar ke iye e dau ilengen tonari lua isak kovok.

2 Pita 2:4

Oglou oglou ari Ida Tapol-ngon ila ensel leklou tidue elio epmes ina deka iye songon isak tidong vala kovok. Aurou. Iye uri isak kla ke omur hel e tidong ke omur ka aivoro langka tidong ke kalabus e tipara ke oklou ka Ida Tapolngon ma wade isak ke urok elio epmes ina.

1 Jon 3:8

E gute ka aling aling iye due elio epmes ina iye Satan ila gute vala. Kesua oglou oglou ari alo ka Ida Tapolngon due wan ka pula keniye tipolou lila me ke eknikane Satan due elio epmes ina. E Ida Tapolngon Otno Arang polou ma iye due pogle ke Satan ila bokongon ma yagos.

Pas ka Jut sogoe 1:6

E ngawai ke ensel blang ka oglou tipul dogur ke bokongon ka Ida Tapolngon kare ke isak e tisongon omur ka iye rere ke isak. Deka Ida Tapolngon pou isak ke sen ka dong vala dong. Iye pou isak deka tidong ke omur ka aivoro e tidong tipara ke oklou ka Ida Tapolngon ma wade urok elio ine.

Pelengon kukwopngon 12:12

Deka omur heven e umu ka umodong ine umodue sandirngen omba ke elio tonari. E umu ka umodong ke taklak e ke misuon umekepes umu itau. Kesua Satan duru ke umu e aitno engil lokono kesua iye ile isuk boto ma taim ka iye karanga yak osep ma polou yagos.”