Mak 5:23 - Aria New Testament

²³ Deka iye wai langane. “Erigu apmang ka daudeng ina paiangan ombatno lokono e isuk boto ma iye mete ine. E omo ma livep kai iye ma omlua iye ma iye mete kovok.”

Mak 5:23 ပူးပေါင်းရင်းမြစ်များ

Matyu 8:3

E Yesus due limla kai gute tonari e wai langane. “Ngawaiki ngadue e oku ane ompolou itau blang.” Deka suong ila paiangan lepra yagos.

Mak 16:18

Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”

Mak 5:24

Yesus klingen Jairus ila pelengon deka la kap iye. Ari osep pula tididi iye e tisodung iye.

Mak 6:13

E tisapir angelo soulu ka tidong ke osep pula. E tisak wel ke osep pula ka tipaia deka tilua isak ke inarak paiangan.

Mak 7:32

Deka osep leklou tipaur gute gesa ka tala pono e silang iye karanga wai malak kovok me ke iye. E osep tonari tikel Yesus ma due limla duru kai gute tonari e ma lua iye.

Mak 8:23

Deka iye panene gute tonari e tisongon armok e tipolou kla. Deka iye uri omsok duru dong ke gute tonari bitna e due limla duru dong ine. Deka iye pmi gute tonari langane. “Amvati wan gesa?”

Luk 13:13

Deka iye kai iye ke limla e lokono apmang odong ine polou itau e iye vri osuk e kakai Ida Tapolngon angaine tito ine.

Luk 4:38

Deka Yesus tito e songon duningen ina ninu e sep ke Saimon ila ninu. E Saimon rana apmang paia e tarna engil lokono e tipmi Yesus ma iye lua iye.

Luk 4:40

Alo ka oklou duru e olwo boto ke epmes osep tipaur osep ka tidong ke urok osua ka paiangan bitna bitna due isak time ke Yesus. E iye kai isak kene kene ke limla deka tipolou itau.

Luk 7:12

E alo ka tipolou olwo boto ke armok ina ari ina ekreng bitna osep tikalke gute auram ka mete ke armok ina dogur. Gute auram tonari apmang ka asap batne otno arang ka kene vala e osep pula pula ke armok tidong kap apmang tonari.

Jon 11:3

Deka apmang orwo tonari tivai omon ke Yesus langane. “Ipem Puda gute ka wom lana wom ke iye paia.”

Aposel 28:8

Ari Publius timla paia e munu ke ila bota kesua tarna engil e iye bres marau. Deka Pol la polou ke iye e wai itau ke Ida Tapolngon ma iye lua gute tonari. E Pol limla duru kai iye deka ina paiangan yagos e iye polou itau blang.

Aposel 6:6

Osep tirere osep lumorwo yagos deka tipaur isak tipolou ke osep aposel amtarsak. Deka osep aposel tiwai itau ke Ida Tapolngon deka limsak duru kai isak.

Aposel 8:17

Deka Pita orwo Jon limsak tiduru tikai isak deka Ano Itau sep ke osep tonari aitno lisak.

Aposel 9:12

Iye wai itau ke ngong e vati ano e vati gute ka angaine Ananaias polou ke iye e limla duru e kai iye deka bitna polou itau blang.”

Aposel 9:17

Deka Ananaias songon ila ninu e la ke ninu ka Sol dong ine e sepe. Deka iye polou ke Sol e limla duru kai iye deka iye wai langane. “Lou aten Sol emklingen. Ida Puda Yesus ka polou ke wom ke ekreng ka emdidie pagei ngong deka ngame ke wom. Iye pagei ngong ke wom kesua iye waiki emtem polou itau blang e ma Ano Itau due aitno lugom e plau wom.”