Mak 5:18 - Aria New Testament

¹⁸ Osep tonari tiwai langane deka Yesus bauluk la sep ke bot ka time ine. Deka gute ka oglou angelo soulu dong ke iye kel Yesus ma iye blang la kap iye.

Mak 5:18 ပူးပေါင်းရင်းမြစ်များ

Matyu 4:24

E omon ke wan ka Yesus due la ke provins Siria ka pula keniye. E osep tikalke osep ka wan sasi due isak ke iye. Langka osep ka paiangan bitna bitna due isak e osep ka tarna lisak doro doro e osep ka angelo soulu due isak e osep ka tipaia e tigene e tinakarkar adai e osep ka kamsak e limsak timete. E Yesus due osep tonari tipolou itau blang.

Mak 5:15

Deka tivati gute ka oglou angelo soulu dong ke iye dong kap Yesus. E tivati gute tonari iye manga manga kovok e iye tnei ila klos kodong. Deka tiulou tarna lisak omba ine.

Mak 5:16

Deka osep ka tivati elio ka polou ke gute ka oglou angelo soulu dong ke iye e ke elio ka polou ke ovar tipalongo osep leklou ka time tipolou ke isak ine.

Mak 5:17

Osep time e tiklingen urok pelengon yagos deka tikel Yesus langane. “Yesus wom amla ke omur silang. Omdong ke limem omur ane kovok.”

Mak 5:7

Deka iye wai omba ke Yesus langane. “Yesus wom ka Ida Tapolngon ka ila arit ombatno lokono Otno Arang omo ane ma omdue elio lange ke ngong? Ngakel wom ke Ida Tapolngon bitna ma omdue agegeng ke ngong kovok.”