Mak 2:17 - Aria New Testament

¹⁷ Yesus klingen urok pelengon deka iye wai ke isak langane. “Osep ka tipaia vala ma isak kla ke dokta ma iye lua isak. E osep ka tipaia kovok ma isak kla ke dokta kovok. E langane. Ngame ma ngalua osep ka tile omur isak osep epmes ina. E ngame ma ngalua osep ka aitno lisak mter isak tipolou itau ke Ida Tapolngon bitna kodong kovok.”

Mak 2:17 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Luk 15:10

Ngawai ke umu langane. Eriar langane Ida Tapolngon ila ensel ma tiketir alo ka gute epmes ina kene bauluk aitno.”

Luk 15:29

E iye koli wai ke timla langane. ‘Lange? Livou emile tobor pula ngaboko langka lem gute bokongon ina e ngapli lem pelengon kovok. E dau amkar wan langka meme otno vala ke ngong ma ngadue rogo kap lou saten kovok.

Luk 15:7

Ngawai ke umu langane. Elio eriar langane polou ke omur heven blang. Osep ke omur heven tiketir ke gute epmes ina kene ka bauluk aitno e urok ketirngen mole ketirngen ke osep 99 ka aitno lisak mter langka tidong itau e osuk ke Ida Tapolngon bitna kodong e urok elio epmes ina pes isak kovok.”

Luk 16:15

E Yesus wai ke isak langane. “Umu osep ka umawaiki osep tivati umu langka umu osep itau lokono e dau Ida Tapolngon ile aitno lumu. Wan ka osep tivati langka wan ka itau lokono Ida Tapolngon vati wan tonari langka wan ka soulu lokono.”

Luk 19:10

E Gute Ka Polou Langka Osep me ke taklak ma iye krim e lua osep ka timina ke urok elio epmes ina.”

Jon 9:34

Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.

Jon 9:40

E osep Farisi ina leklou ka tidong kap iye tiklingen ila pelengon e tipmi iye langane. “Lange? Emtemi evin blang?”

Aposel 20:21

Nganapapra ke osep Yuda ina e ke osep ka isak osep Yuda ina kovok. Nganapapra langane. ‘Umabauluk aitno lumu ke lumu elio epmes ina deka aitno lumu la ke Ida Tapolngon e aitno lumu la dagar ke Ida Puda Yesus Krais.’

Aposel 26:20

Ari mgongon nganapapra Ida Tapolngon ila pelengon ke osep ka tidong ke Damaskus. Deka nganapapra ke osep ka tidong ke Jerusalem. Deka nganapapra ke osep ka tidong ke omur Judia. Deka nganapapra ke osep ka isak osep Yuda ina kovok. Nganapapra ke isak keniye langane. ‘Osep umabauluk aitno lumu ke lumu elio epmes ina e aitno lumu la dagar ke Ida Tapolngon vala. Deka umodue elio itau ka nis osep umabauluk aitno lumu ke lumu elio epmes ina kodong.’

Taitus 2:14

Yesus Krais mete e kasip amunte. Iye kli udo elio epmes ina e klok udo elio epmes ina la kesua iye waiki itopolou ila osep ka itau lokono. Deka itodong itau lokono sep ila sorip. E aitno lite itau lokono ma itodue elio itau vala.