Mak 14:7 - Aria New Testament

⁷ Langka osep ka urok wan bitna bitna isuk boto vala io ma tidong kap umu aling aling. Deka oklou lange ka umawaiki umodue elio itau ke isak umakaranga umodue. E langka ngong io mase ma ngadong kap umu kovok deka ma umakaranga umodue elio itau ke ngong blang kovok.

Mak 14:7 ပူးပေါင်းရင်းမြစ်များ

Matyu 26:11

Kesua aling aling osep ka urok wan isuk boto vala tidong kap umu. E ngong ma ngadong kap umu aling aling kovok.

Mak 14:6

Deka Yesus wai ke osep tonari langane. “Ina lange umeiluk apmang ane? Umeiluk iye sakam kesua iye due elio itau ke ngong.

Jon 13:33

Umu ka langka dirgu ma ngadong kap umu dau isuk boto vala. Ma umekrim ke ngong e langka ngawai ke osep Yuda ina ngawai ke umu blang langane. Umakaranga umomo ke omur ka ngala ine kovok.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 16:5

E oku ane ma ngala ke Livou ka pagei ngong ngame e dau gute kene ke umu pmi ngong ke omur ka ma ngala ine kovok.

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Aposel 3:21

Eknikane Yesus dau dong ke omur heven la lama iding alo ka elio polou eriar langka oglou osep napaprangan ina tiwai ine. Oglou ari Ida Tapolngon due osep napaprangan ina aitno lisak deka tiwai langane. ‘Mase dau tauni ma Ida Tapolngon due wan bitna bitna keniye tipolou itau lokono eriar langka oglou ari alo ka elio epmes ina dau dong kovok.’ Deka alo ka elio ane polou ma Yesus duru dong ke taklak blang.”

Filemon 1:7

Lou aten aitno lungong itau ke wom. Ngaklingen wom lana wom ke Ida Tapolngon ila osep e ke elio ane omdue aitno lisak ila dagar dong dagar. Deka lem elio tonari due aitno lungong neser omba e ngadong itau ine.