Mak 14:36 - Aria New Testament

³⁶ Ari iye wai langane. “Abo Livou. Ngaile elio keniye ka amwaiki omdue amkaranga omdue. Ngawaiki elio soulu lokono ka osep tiwaiki tidue ke ngong ma polou ke ngong kovok. E dau emdidi aitno lungong ine kovok. Aurou. Emdidi aitno lugom ine vala.”

Mak 14:36 ပူးပေါင်းရင်းမြစ်များ

Matyu 26:39

E iye la isuk boto e munu ke taklak e bitna pes taklak e iye wai itau langane. “Livou langka empi elio soulu ka osep ma tidue ke ngong are itau e dau ngawaiki ngadidi aitno lungong kovok e ngawaiki ngadidi aitno lugom vala.”

Matyu 26:42

E aling orwo iye la isuk boto e wai itau langane. “Livou langka elio soulu ane karanga songon ngong kovok lama nganamani ine ngawaiki ngadidi aitno lugom.”

Matyu 6:9

“Alo ka umawai itau ke Ida Tapolngon umawai langane. ‘Pmemi ka dong ke omur heven omlua imi ma imodue anit ke angain wom.

Mak 10:27

Deka Yesus bitna nekek ke isak e wai ke isak langane. “Langka osep tiwaiki tilua isak tona tikaranga kovok e tibure vala. E Ida Tapolngon vala karanga lua osep kesua iye karanga due wan ka pula keniye ka iye waiki due.”

Mak 10:39

Deka tikoli tiwai ke Yesus langane. “Ee. Imakaranga ke elio ka amwai ine.” Deka Yesus wai ke isak langane. “Agegeng ka osep tidue ke ngong ka langka aki ka sasi ma polou ke umu blang. E elio soulu ka osep tidue ke ngong ka langka osep tipaunim ngong ma polou ke umu blang.

Mak 14:37

Yesus wai itau ke Ida Tapolngon langane deka iye tito e bauluk la polou ke osep eklu e vati isak timunu kudung. Deka iye wai ke Pita langane. “Saimon ommunu kudung i? Lange? Amkaranga amplau wom iding ke aua kene kovok?

Jon 12:27

Deka Yesus wai langane. “Aitno lungong kro lokono e ma ngawai lange ine? Ma ngawai langane? Livou omsongon tokngon polou ke ngong kovok. Aurou. Kesua ngame ma nganamani tokngon ane.

Jon 18:11

Deka Yesus wai ke Pita langane. “Omdue lem elil omba iding sep. Aitno lugom lange? Ma nganamani agegeng ke osep ka Livou rere ke ngong koke aurou? Ma nganamani ine vala.”

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 5:30

“E ngong tona ngakaranga ngadue wan gesa ke lou arit kovok. Eriar langka ngaklingen Ida Tapolngon wai deka ngawade osep ke pelengon tonari. E lou wadengen itau e osuk kesua ngawaiki ngadidi aitno lungong kovok e ngadidi Ida Tapolngon ka pagei ngong ngame aitno vala.

Galesia 4:6

Eknikane umodong Ida Tapolngon titno. E Ida Tapolngon pagei Otno Arang Ano Itau me dong ke aitno lite deka Ano Itau due ite ma itegi langane. “Abo. Livou.”

Filipai 2:8

Iye polou langka itosep e osep tivati iye langka tivati osep leklou. Deka iye pes iye e meit ke Ida Tapolngon lama iye mete ke ina akai.

2 Timoti 2:13

Langka itawai ma itedidi Krais e mase itabauluk aitno lite e itedidi udo pelengon tonari kovok iye dau didi ila pelengon. Kesua iye karanga bauluk e dar ila pelengon kovok.

Taitus 1:2

Ngaboko ma ngalua aitno lisak ila dagar ma aitno lisak mter ke urok mosongon ka dong vala dong alo ka itodong kap Ida Tapolngon. Oglou oglou ari alo ka Ida Tapolngon dau tapol wan gesa kovok iye wai dagar ma iye kar mosongon tonari ke ite. E iteile iye yakyak kovok.

Hibru 6:18

Ida Tapolngon ila pelengon orwo dong ka karanga segesege kovok. Pelengon kene ina iye ila promis e pelengon orwo ina iye ila pelengon dagar ka iye sir iye tona angaine ine. E iteile Ida Tapolngon karanga yakyak kovok. Deka ite ka itakalu ke Ida Tapolngon ma aitno lite mter ke Ida Tapolngon ila promis. E itodong dagar e itapara ke alo ka itodue wan ka Ida Tapolngon wai ine.