Mak 12:37 - Aria New Testament

³⁷ “Devit tona sir gute ka Ida Tapolngon rere Krais Ina Puda. Deka lange? Ina lange Devit wai gute ka Ida Tapolngon rere Krais iye ila napakngan gesa?” Ari Yesus wai langane deka osep ka pula ka tiklingen ila pelengon aitno lisak neser omba ine.

Mak 12:37 ပူးပေါင်းရင်းမြစ်များ

Matyu 1:23

Iye wai langane. “Apmang ka due elio kap gute arang kovok ma polou somugu e divir mimi arang. Iye divir iye deka osep ma tisir angaine Emanuel.” Emanuel lana ine langane. Ida Tapolngon dong kap ite.

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 21:45

Alo ka osep loulou ina ka omba e osep Farisi ina tiklingen Yesus ila pelengon ano tonari tile lana ine la ke isak.

Matyu 21:46

E alo ka tiwaiki tidue sep ka kalabus tilim ke osep pula pula kesua osep aitno lisak mter iye gute napaprangan ina.

Luk 19:48

E tikaranga tidue langane kovok kesua osep ka pula keniye are tiwaiki tiklingen ila pelengon keniye.

Luk 21:38

E oklou kene kene osep pula pula titipa ke kotkotu lokono e isak kla ke Ida Tapolngon ila ninu ma tiklingen Yesus ila pelengon.

Jon 12:9

Alo ari osep Yuda ina pula pula tile Yesus dong ke Betani e isak kla are. Tiwaiki tivati iye e silang blang tiwaiki tivati Lasarus ka iye due poga tito ke ina denga.

Pas ka Pol sogoe uti la ke osep Rom ina 9:5

Osep Israel ina tiduru ke urok seia ka angainsak omba urok osua. E Krais ila osua ka didi itosep dong ke osep Israel ina. Krais tona Ida Tapolngon lokono e plau wan ka pula keniye. Ma itakakai angaine tito la egim lokono dong vala dong. Lokono.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Pelengon kukwopngon 22:16

“Ngong Yesus e ngapagei lou ensel ke wom ma ampalongo pelengon ane ke sios ke armok kene kene. Ngong tona gute Devit ila napakngan gesa e silang blang ngong langka gigimo marupo.”