Mak 1:27 - Aria New Testament

²⁷ Osep tivati elio tonari deka aitno lisak mter pula ine e tiwai pulu langane. “Ua. Elio ane lange? Gute ane parere ite ke pelengon oku ina ka ila arit dong ine. Iye wai vala deka angelo soulu tini ila pelengon.”

Mak 1:27 ပူးပေါင်းရင်းမြစ်များ

Matyu 15:31

E osep pula pula tonari tidigrik alo ka tivati osep ka tikaranga tiwai kovok tiwai blang e osep ka kamsak limsak timete tikaranga tidue wan ke kamsak limsak blang e osep ka tikaranga tilila kovok tikaranga tilila blang e osep ka amtarsak evin tikaranga tivati omur blang. Osep tivati elio ane e tikakai osep Israel ina Inarak Tapolngon angaine tito la egim.

Matyu 8:9

Kesua osep tiplau ngong e tiwai wansua ma ngadue e ngadue e ngaplau osep leklou e ngawai wansua ma tidue e tidue. Ngakaranga ngawai ke gute kene ‘amla’ e iye la e ngakaranga ngawai ke gute silang ‘omo’ e iye me. Ngawai ke lou gute bokongon ina ‘omdue wan ane’ e iye due.”

Matyu 9:33

Alo ka Yesus sapir angelo soulu kodong gute tonari nogrum wai. E osep ka tidong tidigrik e tiwai pulu langane. “Ke oglou elio langane polou ke omur Israel kovok.”

Mak 1:26

Angelo soulu tonari klingen Yesus ila pelengon deka iye due gute ka iye dong ke aitno nakarkar omba. Deka iye daiku omba e songon gute tonari la.

Mak 1:28

Yesus due elio tonari deka lokono omon ke wan ka iye due kes lila ke omur Galili keniye.

Mak 10:24

Yesus wai langane deka ila disaipel aitno lisak mter pula ke ila pelengon. Deka iye wai ke isak blang langane. “Dirgu ngawai ke umu langane. Langka osep tiwaiki tisep ke omur ka Ida Tapolngon plaue elio ane opru isak lokono.

Mak 10:32

Yesus gosok ila disaipel tididi ekreng titito kla ke Jerusalem. Alo ari Yesus mgo ke ila disaipel deka tididi iye e aitno lisak mter pula. E osep leklou blang ka tididi iye tiulou tarna lisak. Deka Yesus paur ila disaipel songotno orwo tisongon osep pula ka tididi iye e wai ke isak ke elio bitna bitna ma tipolou ke iye. Iye wai langane.

Mak 16:5

Deka tisep ke denga e tivati gute auram ka ila klos okou lokono dong ke denga aitno ke galna ka limsak odung ina. E ansak nesik ke iye.

Mak 16:6

Deka gute tonari wai ke isak langane. “Anmu nesik sakam. Umekrim Yesus ka Nasaret ina ka osep tinilim kamla e limla ke ina akai deka iye mete. Oglou pampamu ine munu ane e eknikane amune dong adai kesua iye poga tito kodong.

Mak 7:37

Deka osep tonari ansak nesik batne ke elio ka iye due. Tiwai langane. “Gute are ila elio keniye itau. Iye lua osep ka talsak pono e tikaranga tiwai kovok ma tikaranga tiklingen pelengon e tikaranga tiwai blang.

Luk 4:36

E osep ke ninu tonari tidigrik e tiwai pulu langane. “Lange iye karanga wai langare? Kesua arit dong ke ila pelengon deka iye wai dagar ma angelo soulu tisongon osep e tididi ila pelengon.”

Luk 9:1

Yesus gi ila disaipel songotno orwo ma tiduni pulu e iye kar arit ke isak ma tikaranga tisapir angelo soulu e tidue osep ka tipaia tipolou itau blang.

Aposel 17:19

Deka osep tipaur Pol polou ke osep ngongle ka tiduni pulu ke gigri ka angaine gigri Areopagus ma tiklingen ila pelengon. E tiwai ke iye langane. “Imawaiki imeklingen pelengon oku ina ka amwai ke osep ine.