Luk 9:7 - Aria New Testament

⁷ E alo ka Herot ka vri mgo ke omur emkil ari klingen wan ka Yesus due aitno mter pula ine e dau iye ile ine itau kovok. Kesua osep leklou tiwai Jon ka paunim osep poga tito ke ina denga.

Luk 9:7 ပူးပေါင်းရင်းမြစ်များ

Matyu 11:2

Alo ari Jon dong ke kalabus e iye klingen omon ke wan ka Krais due deka iye pagei ila disaipel leklou kla ke Yesus.

Mak 8:28

Deka tikoli tiwai langane. “Osep leklou tiwai wom Jon ka paunim osep. E osep leklou tiwai wom Elaija ka dong oglou ari. E osep leklou blang tiwai wom gute napaprangan ina gesa ka oglou ina.”

Luk 13:31

Alo ari osep Farisi ina leklou time ke Yesus e tiwai ke iye langane. “Herot waiki osep tidue burwa ke wom e aitno limi langka wan ka itau omsongon omur ane e amla ke omur silang.”

Luk 21:25

“Alo ari nisngen bitna bitna ma tipolou ke oklou e taiko e gigimo. E ke taklak osep ma tiulou tarna lisak e tile wansua tidue kovok kesua tiklingen misuon ina ngusngon omba e ina boitini bakul bakul.

Luk 23:7

E alo ka iye ile Yesus me ke omur Galili ka Herot plaue iye vai iye ke Herot. Kesua alo ari Herot dong ke Jerusalem blang.

Luk 3:1

Ke tobor songotno elme ina ke alo ka gute Sisar ka angaine Taiberius vri mgo ke osep Rom ina Pontius Pailat plau omur Judia e Herot plau omur emkil Galili. E ina aiver Filip plau omur emkil Ituria e Trakonitis e gute Lisanias plau omur emkil Abilene.

Luk 9:19

E tikoli tiwai langane. “Osep leklou tisir wom Jon ka paunim osep e osep leklou tisir wom Elaija e osep leklou blang tisir wom gute napaprangan ina gesa ka dong ke oglou e iye poga tito ke ina denga.”