Luk 9:51 - Aria New Testament

⁵¹ Taim ka Ida Tapolngon waiki due Yesus tito ke omur heven isuk boto polou deka aitno mter dagar ke elio ka iye la ke Jerusalem.

Luk 9:51 ပူးပေါင်းရင်းမြစ်များ

Mak 16:19

Ida Puda Yesus wai yagos deka iye tito la ke omur heven deka dong ke Ida Tapolngon limla odung.

Luk 12:50

Ma ngadue elio langka elio paunimngen ina e ngadue dau kovok e aitno lungong soulu la lama ngadue kodong.

Luk 13:22

E Yesus lila la ke armok omba e armok daudeng e due ila langan la ke Jerusalem. E alo ka iye lila la iye parere osep.

Luk 17:11

Alo ka Yesus lila la ke Jerusalem iye lila ke olung airavu ke omur Galili e omur Samaria.

Luk 18:31

Yesus due ila disaipel songotno orwo e wai ke isak vala langane. “Umoklingen. Ma itala ke Jerusalem e wan ka pula keniye ka osep napaprangan ina tisogo ke Gute Ka Polou Langka Osep ma polou ke iye.

Luk 19:11

Alo ka osep tiklingen pele-ngon tonari Yesus wai pelengon ano ke isak. Kesua iye dong olwo boto ke Jerusalem e osep aitno lisak mter omur ka Ida Tapolngon plaue ma suong polou malak ke taim ari.

Luk 19:28

Alo ka Yesus wai pelengon ane yagos iye lila e tito la ke Jerusalem.

Luk 24:51

Alo ka iye dau wai langane ke isak iye songon isak e tito la ke omur heven.

Luk 9:57

Alo ka tilila ke ekreng gute kene wai ke Yesus langane. “Ma ngadidi wom ke omur omur ka amla ine.”

Jon 13:1

Rogo omba ka lana ine la ke alo ka Ida Tapolngon lua osep Yuda ina tisongon omur Isip polou dau kovok. E Yesus ile isuk boto ma iye songon taklak e la ke Timla. Iye lana iye ke ila osep ka tidong ke taklak e iye lana iye ke isak la lama alo ka iye mete.

Jon 16:28

Ngadong kap Livou deka ngame ke taklak ane e isuk boto ma ngasongon taklak e ngaiding ke Livou.”

Jon 16:5

E oku ane ma ngala ke Livou ka pagei ngong ngame e dau gute kene ke umu pmi ngong ke omur ka ma ngala ine kovok.

Jon 17:11

“E oku ane isuk boto ma ngadong ke taklak kovok e ngala ke wom. E isak dau tidong ke taklak. Deka Livou ka lem elio itau lokono amplau isak itau ke lem arit ka amkare ke ngong. Ma tikaranga tidong aitno lisak kene pulu eriar langka itodong aitno lite kene pulu.

Jon 6:62

Deka aitno lumu lange langka umavati Gute Ka Polou Langka Osep tito la ke omur ka oglou iye dong ine?

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 1:9

Yesus wai ila pelengon ke ila disaipel yagos deka Ida Tapolngon ila arit due Yesus tito la egim e ila disaipel tivati iye tito la sep ke gaup ka mana egim. Deka gaup tonari dim iye e tivati iye kovok.

Efesus 1:20

Ida Tapolngon ila arit ka iye lua ite ine eriar langka ila arit ka due Krais poga tito ke ina denga. Ida Tapolngon due Krais poga tito deka due dong ke limla odung ke omur heven.

Filipai 3:14

E ngong arit ngong ma ngadue wan ka Ida Tapolngon rere ke ngong langka gute ka suong dagar ke resis ma iye due prais. Prais tonari udo mosongon ka dong vala dong ka Ida Tapolngon rere ke ite ke Krais Yesus.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.

Hibru 12:2

Ma aitno lite mter ke Yesus ka iye aitno lite ila dagar batne. E iye due aitno lite ila dagar polou dagar lokono. Alo ka iye dong ke taklak aitno neser ke wan itau lokono ka mase ma ila wan. Deka iye ulou ke ina akai kovok e aitno mter langka wan tonari soulu kovok e iye mete ine vala. E iye mnak iye ine kovok. E eknikane iye dong ke omur heven ke Ida Tapolngon limla odung.

Hibru 6:20

Oglou Yesus mgo ke ite e sep ke eliang tonari deka loulou ke ite. Iye polou gute loulou ina ka mgo ka dong vala dong eriar langka Melkisedek.

1 Pita 3:22

Yesus la ke omur heven kodong e iye dong ke Ida Tapolngon limla odung. Deka ensel e wan ansak ka urok arit dong lisak tini iye.