Luk 9:48 - Aria New Testament

⁴⁸ E iye wai ke isak langane. “Gute sei ka lua mimi ane batne iye didi ngong lua ngong blang. E gute ka lua ngong lua gute ka pagei ngong ngame blang. Kesua gute ka angaine daudeng lokono ke umu ma mgo ke umu.”

Luk 9:48 ပူးပေါင်းရင်းမြစ်များ

Matyu 18:10

“Deka aitno lumu mter soulu ke agau daudeng langane kovok. Kesua urok ensel dong ka aling aling tidong ke Livou ka dong ke omur heven bitna.

Matyu 18:14

E langane blang ke Livou ka dong ke omur heven. Iye waiki ma agau kene imina kovok.”

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 25:40

Deka gute ka vri mgo ke omur ma koli wai ke isak langane. ‘Ngawai lokono ke umu. Alo ka umodue elio tonari ke osep ke lou osua lama angainsak daudeng e tidong moli ke osep leklou umodue ke ngong blang.’”

Matyu 25:45

Deka gute ka vri mgo ke omur ma koli wai ke isak langane. ‘Ngawai lokono ke umu. Langka umodue elio tonari kovok ke lou osua lama angainsak daudeng e tidong moli ke osep leklou umodue ke ngong kovok blang.’”

Mak 9:37

“Langka gute gesa aitno itau ke mimi gesa langka mimi ane batne ke ngong deka ila elio ane eriar langka aitno itau ke ngong. Langka gute gesa aitno itau ke ngong deka ila elio ane eriar langka aitno itau ke ngong vala kovok. Aurou. Ila elio ane eriar langka aitno itau ke Ida Tapolngon ka pagei ngong ngame blang.”

Luk 10:16

E Yesus wai ke ila osep bokongon ina tonari langane. “Gute ka klingen lumu pelengon klingen lou pelengon blang e gute ka pli umu pli ngong blang. E gute ka pli ngong pli Ida Tapolngon ka pagei ngong ngame.”

Luk 14:11

Kesua gute ka kakai iye tona angaine ma Ida Tapolngon pes angaine duru e gute ka pes iye tona angaine ma Ida Tapolngon kakai angaine tito.”

Luk 22:26

E umodue elio langane sakam. Gute ka omba ke umu ma iye dong langka ina tobor awal boto e gute ka mgo ma iye dong langka gute bokongon ina.

Luk 22:30

Ke omur ka ngavri mgo ine ma umodong ke lou bota e umangen e umeinim kap ngong. E ma umodong ke kova kova langka osep ka tiplau omur omur e umawade osua songotno orwo ke osep Israel ina.”

Luk 7:28

Ngawai ke umu langane. Gute ka taklak ane ina mole Jon kovok e dau gute ka angaine daudeng lokono ke omur ka Ida Tapolngon plaue mole Jon.”

Jon 13:20

Ngawai lokono ke umu langane. Langka osep aitno lisak itau ke osep ka ngapagei isak deka aitno lisak itau ke ngong blang. E langka aitno lisak itau ke ngong deka aitno lisak itau ke Ida Tapolngon ka pagei ngong ngame blang.”

Jon 14:21

Gute ka due lou pelengon e inie iye gute ka iye lana iye ke ngong. E gute ka iye lana iye ke ngong ma Livou lana iye ke gute tonari. E ngong blang ma ngong lana ngong ke iye e nganis ngong malak ke iye.”

1 Tesalonaika 4:8

E gute ka pli pelengon ane iye langka pli osep urok pelengon vala kovok. Aurou. Iye pli Ida Tapolngon ka kar Ano Itau ke ite ila pelengon.

1 Pita 5:6

Umepes umu tona e umeini Ida Tapolngon ka ila arit ombatno lokono. Umodue langane deka mase alo ka iye rere ma iye kakai angainmu.

Pelengon kukwopngon 21:14

E silang ke ari tonari opmu songotno orwo ka due ari dagar dong ine. E tisogo angaine kene ke Sipsip Otno ila aposel songotno orwo ke opmu kene kene.

Pelengon kukwopngon 3:21

“Ma ngasongon gute ka mole elio soulu ma iye dong kap ngong ke lou kova langka oglou ngamole elio soulu e ngadong kap livou ke ila kova.