Luk 9:44 - Aria New Testament

⁴⁴ “Umoklingen itau ke lou pelengon ane. Osep ma tikar ngong ka Gute Ka Polou Langka Osep ke osep leklou limsak.”

Luk 9:44 ပူးပေါင်းရင်းမြစ်များ

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 26:2

“Umeile ma oklou orwo mela yagos deka itodue rogo omba ka lana ine la ke alo ka Ida Tapolngon lua osep Yuda ina tisongon omur Isip. E osep ma tikar Gute Ka Polou Langka Osep ke osep leklou ma tinilim iye ke ina akai.”

Mak 8:31

Yesus gosok ila disaipel dau tididi ekreng deka iye nogrum parere isak langane. “Mase ma ngong ka Gute Ka Polou Langka Osep nganamani agegeng bitna bitna osep ma tidue ke ngong. Osep ngongle e osep loulou ina ka omba e osep ka tile itau ke Moses ila sogongon ma tipli ngong. Ma osep tidue burwa ke ngong ma ngamete. E mase oklou eklu mela yagos deka ma ngapoga ngatito ke ngau denga.”

Mak 9:31

Kesua alo ari iye parere ila disaipel e wai ke isak langane. “Ma osep tikar ngong ka Gute Ka Polou Langka Osep ke osep leklou limsak deka ma tidue burwa ke ngong ma ngamete. Ma ngamete e ngadong ke ngau denga la lama oklou eklu mela yagos deka ma ngapoga ngatito ke ngau denga.”

Luk 1:66

E osep ka pula keniye ka tiklingen ke elio ane aitno lisak mter ine e tipmi langane. “Wansua ma polou ke mimi ane?” Kesua Ida Puda ila arit dong kap iye.

Luk 18:31

Yesus due ila disaipel songotno orwo e wai ke isak vala langane. “Umoklingen. Ma itala ke Jerusalem e wan ka pula keniye ka osep napaprangan ina tisogo ke Gute Ka Polou Langka Osep ma polou ke iye.

Luk 2:19

E Maria bitna sisir wan ka pula keniye ane e aitno mter ine.

Luk 2:51

Deka iye la kap isak e tiduru tipolou ke Nasaret e iye meit ke isak. E tna bitna sisir wan keniye tonari e aitno mter ine.

Luk 24:44

Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Luk 9:22

E iye wai langane. “Ida Tapolngon waiki Gute Ka Polou Langka Osep iye namani elio soulu pula ke osep namormor e osep loulou ina ka omba e osep ka tile itau ke Moses ila sogongon e ma tipli iye. E timter iye ma iye mete deka mase oklou eklu mela yagos ma iye poga tito ke ina denga. E wan are ma polou.”

Jon 16:31

Deka Yesus wai ke isak langane. “Lange? Oku ane aitno lumu dagar ke ngong i?

Jon 16:4

E oku ane ngawai pelengon ane ke umu ma alo ka elio tonari polou omtomu karanga sisir lou pelengon ka la ke isak.” “Oglou alo ka nganogrum lou bokongon ngawai pelengon ane ke umu kovok kesua ngadong kap umu.

Jon 19:11

Deka Yesus koli wai ke iye langane. “Langka Ida Tapolngon kar arit ke wom kovok amkaranga omdue elio gesa ke ngong kovok. E ke batne langane gute ka kar ngong ke wom ila elio epmes ina omba e mole lem elio epmes ina.”

Aposel 2:23

Oglou ari kodong Ida Tapolngon didi aitno deka rere gute Yesus ma iye mete e kasip amunte. Mase tauni kovok e Yesus dong kap ite. Deka umodue osep epmes ina aitno lisak engil ke Yesus deka tidue agegeng ke iye e tinilim kamla e limla e iye mana ke ina akai deka mete ine.

Hibru 2:1

Deka ma itekis pelengon tonari dagar e amtada uli ine kovok.