Luk 9:20 - Aria New Testament

²⁰ Deka Yesus pmi isak langane. “E aitno lumu lange? Ngong sei?” E Pita koli wai langane. “Wom gute Krais ka Ida Tapolngon rere ma omlua osep ke urok elio epmes ina.”

Luk 9:20 ပူးပေါင်းရင်းမြစ်များ

Matyu 22:42

“Aitno lumu lange ke gute Krais ka Ida Tapolngon rere ma iye lua osep? Iye sei ila napakngan?” E tikoli tiwai langane. “Iye Devit ila napakngan.”

Matyu 26:63

E dau Yesus koli wai kovok. E gute loulou ina ka mgo wai ke iye langane. “Ngawai ke wom ke Ida Tapolngon ka dong vala dong angaine ma amwai lokono ke imi. Wom gute Krais ka Ida Tapolngon rere ma iye lua osep koke aurou? Wom Ida Tapolngon Otno Arang?”

Matyu 5:47

E langka umawai ‘oklou itau’ ke lumu saten vala umodue elio langka osep leklou tidue vala. Osep ka isak osep Yuda ina kovok tidue langane blang.

Mak 14:61

E Yesus dau koli urok pelengon kovok. Iye dong vala. Deka gute loulou ina ka mgo pmi iye langane. “Wom Krais ka Ida Tapolngon ka dong egim Otno Arang wom?”

Mak 8:29

Deka iye pmi isak langane. “E umu umawai ngong sei?” Deka Pita koli wai langane. “Wom gute ka Ida Tapolngon rere Krais ma iye lua osep.”

Luk 22:67

“Langka wom Krais ka Ida Tapolngon rere wom ma omlua osep ke urok elio epmes ina amwai malak ke imi ine.” E Yesus koli wai ke isak langane. “Lama ngawai malak ke umu ine ma aitno lumu dagar ke lou pelengon kovok.

Luk 9:19

E tikoli tiwai langane. “Osep leklou tisir wom Jon ka paunim osep e osep leklou tisir wom Elaija e osep leklou blang tisir wom gute napaprangan ina gesa ka dong ke oglou e iye poga tito ke ina denga.”

Jon 1:41

Ke kotkotu alo ka Andru songon Yesus lokono iye la pado ina aiver Saimon e wai ke iye langane. “Imavati gute ka Mesaia kodong.” Pelengon palma Mesaia lana ine gute ka Ida Tapolngon rere Krais ma iye lua osep ke urok elio epmes ina.

Jon 1:49

Deka Nataniel wai ke iye langane. “Rabai wom Ida Tapolngon Otno Arang. Wom gute ka vri mgo ke osep Israel ina.”

Jon 11:27

E Marta koli wai langane. “Ee. Ngau Puda aitno lungong dagar wom gute Krais ka Ida Tapolngon rere ma omlua osep ke urok elio epmes ina. Wom Ida Tapolngon Otno Arang ka iye pagei me ke taklak ane.”

Jon 20:31

E ngasogo pelengon ane batne langane. Ma aitno lumu la dagar langane. Yesus iye gute Krais ka Ida Tapolngon rere ma iye lua osep ke urok elio epmes ina e iye Ida Tapolngon Otno Arang. E langka aitno lumu dagar ke iye ma umodue mosongon ka dong vala dong.

Jon 4:29

Iye wai ke isak langane. “Osep umomo e umavati gute ka wai ke ngong ke wan ka pula keniye ka oglou ngadue. Gute ane iye Krais ka Ida Tapolngon rere ma iye lua osep ke urok elio epmes ina koke aurou?”

Jon 4:42

E tiwai ke apmang tonari langane. “Oku ane aitno limi dagar ke iye batne ke lem pelengon vala kovok. Aurou. Eknikane imi tona imeklingen ila pelengon e imeile lokono gute ane iye gute Krais ka Ida Tapolngon rere ma iye lua osep ka tidong ke taklak ke urok elio epmes ina.”

Jon 7:41

E osep leklou tiwai langane. “Gute ane iye gute Krais ka Ida Tapolngon rere ma iye lua osep ke urok elio epmes ina.” E osep leklou blang tiwai langane. “Aurou. Gute Krais ma me ke omur Galili kovok.

Aposel 17:3

Iye ritim Ida Tapolngon ila pelengon ka wai ke Yesus ina metengen e ila baulukngon deka iye kere pelengon tonari lana ine langane. “Oglou kodong Ida Tapolngon rere gute Krais ka ma iye lua osep ke urok elio epmes ina ma iye namani elio soulu e mete deka poga tito ke ina denga. Umoklingen. Gute ka Ida Tapolngon rere Krais iye gute Yesus ka eknikane nganapapra iye ke umu.”

Aposel 8:36

Isak orwo dau tididi ekreng la lama tipolou ke aki gesa e gute plaungan ina wai langane. “Oka aki ane. Ma ngasep ke aki ane e ampaunim ngong koke ngakaranga ngadue langane kovok?”

Aposel 9:22

E Sol ila arit res polou omba lokono. Iye wai dagar lokono Yesus iye gute ka Ida Tapolngon rere Krais ka lua osep ke urok elio epmes ina. Osep Yuda ina ka tidong ke Damaskus tiklingen ila pelengon e aitno lisak kaka ine. E tikaranga timole ila pelengon kovok.

1 Jon 5:1

Osep ka aitno lisak dagar ke elio ka Yesus iye gute Krais ka Ida Tapolngon rere ma iye lua osep ke urok elio epmes ina isak Ida Tapolngon ila osep. E osep ka isak lana isak ke gute timla isak lana isak ke gute tonari blang.