Luk 9:11 - Aria New Testament

¹¹ E alo ka osep pula pula tile ke omur ka isak kla ine tididi isak. E alo ka tipolou ke Yesus deka aitno itau ke isak. Deka iye wai ke isak ke omur ka Ida Tapolngon plaue e due osep ka tipaia tipolou itau blang.

Luk 9:11 ပူးပေါင်းရင်းမြစ်များ

Matyu 12:15

Yesus ile wan ka osep Farisi ina tiwaiki tidue deka iye songon omur are e osep pula pula tididi iye. E iye due osep ka tipaia tipolou itau blang.

Matyu 14:14

E alo ka Yesus songon bot ke aki ina dingen batne iye vati osep pula pula tidong e aitno kro ke isak e iye due osep ka tipaia tipolou itau blang.

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Matyu 21:43

E ngawai ke umu langane. Ma Ida Tapolngon pi umu ke omur ka iye plaue e kar amunmu ke osep leklou ka tidue wan ka Ida Tapolngon waiki tidue.

Luk 1:53

Iye kar wan itau pula ke osep ka urok wan isuk boto vala e iye sapir osep ka urok wan pula dong ke isak.

Luk 5:31

Deka Yesus koli wai ke isak langane. “Osep ka tarna lisak itau isak kla ke dokta kovok. Aurou. Osep ka tipaia vala isak kla ke dokta.

Luk 8:1

Mase sasi boto Yesus lila la ke armok omba e armok daudeng e iye napapra omon itau ka la ke omur ka Ida Tapolngon plaue. E ila disaipel songotno orwo isak kla kap iye.

Luk 8:10

Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Luk 9:10

Alo ka osep aposel tiding ke Yesus tipalongo ila ke wan keniye ka tidue. Deka iye due isak vala e tisongon osep leklou e isak kla ke armok kene ka angaine Betsaida.

Luk 9:12

Kirui polou kodong deka ila disaipel songotno orwo tipolou ke iye e tiwai langane. “Ampagei osep pula pula are isak kla ke armok armok ka dong olwo boto ma tidue inarak ngangon e tipado omur ka timunu kudung ine. Kesua osep tidong ke omur ane kovok.”

Luk 9:2

E iye pagei isak ke osep ma tinapapra pelengon ke omur ka Ida Tapolngon plaue e ma tidue osep ka tipaia tipolou itau blang.

Jon 4:34

E Yesus wai ke isak langane. “Ngau ngangon langka ngadidi gute ka pagei ngong ngame aitno e ngababrum bokongon ka iye kare ke ngong ma ngadue.

Jon 6:37

Osep ka pula keniye ka Livou kar isak ke ngong io ma time ke ngong e ma ngasapir isak kovok.

Aposel 28:31

E iye wai ke isak pula ke elio ka Ida Tapolngon ma plau omur ka pula keniye. Silang blang iye parere osep ke Ida Puda Yesus Krais ina basikngen. Alo ari Pol wai ke osep vala e ulou tarna ine kovok. E gute gesa dong ka dangdang iye ine kovok.

Pas ka Pol sogoe uti la ke osep Rom ina 10:14

E osep ka aitno lisak dagar ke Ida Tapolngon ila pelengon kovok ma tipmi Ida Puda ine kovok. E silang blang langane. Osep ka tile Ida Tapolngon ila pelengon kovok ma aitno lisak karanga la dagar ine kovok. Langka osep tinapapra Ida Tapolngon ila pelengon ke isak kovok ma tidue lange ma tile ine?

Pas ka Pol sogoe uti la ke osep Rom ina 10:17

Osep ka aitno lisak la dagar ke Ida Tapolngon ila pelengon ka la ke Krais tiklingen ine mgo. Tiklingen ine e aitno lisak la dagar ine.

Pas ka Pol sogoe uti la ke osep Rom ina 15:3

Iteile Krais aitno vri ke iye vala kovok. Aurou. Ida Tapolngon ila pelengon wai langane ine. “Krais wai ke Ida Tapol-ngon langane. ‘Osep ka tiwai soulu ke wom ma urok pelengon soulu vri ke ngong blang.’”

2 Timoti 4:2

Aling aling amnapapra Ida Tapolngon ila pelengon ke osep. Langka tiwaiki amnapapra ke isak koke tiwaiki amnapapra ke isak kovok io amnapapra ine vala. Ommosi aitno lisak ma aitno lisak mter itau e amwai dagar ke isak ma tibauluk aitno lisak ke urok elio soulu. E amwai pelengon itau ke isak ma due aitno lisak itau. Amwai molil molil ke isak e aling aling amparere isak.

Hibru 4:16

Deka ma itopolou olwo boto ke Ida Tapolngon ka makai ite e itoulou ke iye kovok. Ma aitno due ite e ila makaingan polou ke ite e lua ite alo ka elio bitna bitna polou ka opru ite.