Luk 8:15 - Aria New Testament

¹⁵ E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Luk 8:15 ပူးပေါင်းရင်းမြစ်များ

Matyu 24:13

E gute gesa ka aitno dong dagar la lama wan yagos ma Ida Tapolngon lua iye.

Luk 11:28

E Yesus koli wai langane. “Wan ka itau itawai osep ka tiklingen e tini Ida Tapolngon ila pelengon aitno lisak itau itau.”

Luk 6:45

Gute ka itau didi wan ka itau ka dong ke aitno e due elio itau e gute ka soulu didi wan ka soulu ka dong ke aitno e due elio soulu. Gute ila pelengon nis osep ke wan ka dong ke aitno.”

Luk 8:14

E londo ka tiduru timunu ke omur ka galou marak dong ine isak langka osep ka tiklingen omon itau e dau aitno lisak kro ke wan ka taklak ane ina. E aitno lisak mter ke wan bitna bitna ke taklak ka due aitno lisak itau e aitno lisak mter pula ke mani. E londo tonari anino kovok.

Luk 8:16

E Yesus wai blang langane. “Gute gesa bik lam deka kadinge ke gimare koke due dong ke kova bisna kovok. Aurou. Iye due dong ke wan ka dong egim ma osep ka tisep ke eliang tikaranga tivati omur itau.

Jon 14:15

“Langka umu lana umu ke ngong ma umeini lou pelengon.

Jon 15:10

Livou lana iye ke ngong e ngadong dagar ke elio tonari e ngadidi ila pelengon dagar. E eriar langane ke umu blang. Langka umedidi lou pelengon dagar ma umodong dagar ke elio ka ngong lana ngong ke umu.

Pas ka Pol sogoe uti la ke osep Rom ina 2:7

E osep ka tidong dagar ke elio itau tiwaiki ma Ida Tapolngon kar isak urok mosongon ka itau lokono ka dong vala dong. Tiwaiki ma tidong kap iye e ma iye kakai angainsak. E ma Ida Tapolngon due osep urok mosongon itau lokono dong vala dong.

Pas ka Pol sogoe uti la ke osep Rom ina 6:22

E eknikane elio epmes ina plau umu kovok. Aurou. Ida Tapolngon klok lumu elio epmes ina kodong deka iye plau umu. Deka umodue elio itau vala. E elio itau ka umodue lua umu ma umopolou osep ka tidong itau e osuk ke Ida Tapolngon bitna. Ma umodong kap Ida Tapolngon e umodue lumu mosongon ka dong vala dong.

Pas ka Pol sogoe uti la ke osep Rom ina 7:18

Ngong kenngong aitno lungong karanga mter elio gesa ka itau kovok. Langka ngawaiki ngadue elio itau ngakaranga ngadue kovok e ngadar Moses ila sogongon vala.

Pas ka Pol sogoe uti la ke osep Rom ina 7:4

Sipmi. Umoklingen lou pele-ngon. Umogosok Yesus umemete kodong. Deka Moses ila sogongon plau umu kovok. Kesua umeneklep ke Yesus ka oglou mete e Ida Tapolngon due poga tito ke ina denga. Deka iye Upu Puda e plau umu kesua iye waiki umodue Ida Tapolngon ila bokongon itau vala.

Pas ka Pol sogoe uti la ke osep Rom ina 8:25

E eknikane itapara ke alo ka Ida Tapolngon due pampamu lite tipolou itau. Itodong itapara ine e aitno lite kro ine kovok.

1 Korin 7:19

Elio ka gute didi elio ulangngan ina langka wan adai. E elio ka gute didi elio ulangngan ina kovok elio langane wan adai blang. E elio ka osep tididi Ida Tapolngon ila pelengon dagar ane wan ombatno lokono.

Efesus 2:8

Ida Tapolngon lua umu ke lumu elio epmes ina kesua batne ke ila makaingan ka dong ke iye tona. Iye lua umu ke lumu elio epmes ina kesua aitno lumu la dagar ke Krais. E iye lua umu kesua batne ke elio kene gesa ka umodue kovok. Aurou. Iye didi aitno e lua umu adai vala. Deka umakaranga umakakai angainmu ine kovok.

Filipai 1:11

Deka Yesus Krais due elio ka itau e osuk polou ke umu e osep tivati lumu elio itau e tikakai Ida Tapolngon angaine tito la egim ine.

Kolosi 1:10

Ma umelila ke elio ka Ida Puda waiki umedidie ma aitno itau lokono ke lumu elio. E ma umodue bokongon itau e ma umeile omur ke Ida Tapolngon. Deka aling aling ma lumu ilengen res polou omba.

Kolosi 1:6

E Ida Tapolngon ila omon itau kes lila la ke omur pula ke taklak e omon tonari due osep ka aitno lisak dagar ine aitno lisak itau e urok elio isuk isuk tipolou itau. Elio ane eriar langka elio ka polou ke umu alo ka aling kene ina umoklingen omon ke Ida Tapolngon ila makaingan e umeile omur ine.

Hibru 10:36

Ma umodong dagar e umedidi Ida Tapolngon aitno ke wan bitna bitna ka iye waiki umodue. Umodue langane deka Ida Tapolngon ma kar umu wan bitna bitna ka iye wai dagar ine kodong.

Hibru 2:1

Deka ma itekis pelengon tonari dagar e amtada uli ine kovok.

Jems 1:4

E alo ka umodong dagar ke tokngon ma umopolou ngongle ke aitno lumu ila dagar. Deka umakaranga umodong itau ke elio ka pula keniye ka polou ke umu. E ma lumu wan bitna bitna ka karanga ke umu dong ke umu.

1 Jon 2:3

Langka iteini Ida Tapolngon ila pelengon dagar ka iye kare ke ite deka ma iteile omur langane. Iteile iye.