Luk 8:10 - Aria New Testament

¹⁰ Deka Yesus koli wai ke isak langane. “Ida Tapolngon songon ngong ma ngapalongo lumu ke pelengon kukwop ka la ke omur heven ka Ida Tapolngon plaue. E ke osep leklou ngawai ke pelengon ano vala ma amtarsak vati wan bitna bitna e dau tivati itau kovok e talsak klingen e dau tile ine kovok.

Luk 8:10 ပူးပေါင်းရင်းမြစ်များ

Matyu 11:25

Deka Yesus wai langane. “Livou wom ka amplau omur heven e taklak aitno lungong itau kesua omkukwop wan ane ke osep ilengen ina e osep ka tile pula e emnis isak ke osep ka isak langka agau vala.

Matyu 16:17

E Yesus koli wai ke iye langane. “Ngawai lokono ke wom Saimon ka Jon otno arang. Aitno lugom ma dong itau itau kesua gute kene ka taklak ina nis wom ine kovok. Aurou. Livou ka dong ke omur heven nis wom ine.

Mak 4:11

Deka iye wai ke isak langane. “Osep pula tile pelengon ano lana ine kovok. E ma ngakere pelengon tonari ka kukwop ka la ke alo ka Ida Tapolngon plau osep lana ine ke umu. Ma umeile omur ine itau.”

Mak 4:12

“Elio ka ngawai ke osep ke pelengon ano didi pelengon ka oglou gute napaprangan ina gesa sogo ine langane. ‘Ma osep tivati wan itau e ma tile lana ine kovok. Ma tiklingen pelengon itau e ma tile lana ine kovok. Tidong tidue elio ka langane lama tile omur ine deka tibauluk aitno lisak ke urok elio epmes ina e Ida Tapolngon sak urok elio epmes ina la.’”

Jon 12:40

“Ida Tapolngon due amtarsak evin ma tikaranga tivati omur kovok. E iye pono aitno lisak ma ti-karanga tile itau kovok. Lama tibauluk aitno lisak ke ngong e ngadue isak tidong itau blang.”

Pas ka Pol sogoe uti la ke osep Rom ina 16:25

Ma itakakai Ida Tapolngon angaine tito la egim. Kesua iye tona karanga due aitno lite ila dagar kis dagar ke Ida Tapolngon ila omon itau ka la ke Yesus Krais ka nganapapra ine. Oglou ari osep tile omur ke Ida Tapolngon ila omon itau kovok. E eknikane iteile ine kesua Ida Tapolngon lua ite ine.

1 Korin 12:11

Ano Itau kene ka dong ari due kerengen ka pula keniye tonari. Iye tona didi aitno e kere osep kene kene ke kerengen ka iye waiki dong ke isak.

Kolosi 2:2

Ngadue bokongon tonari ma umodong dagar e ma umu ka pula keniye lana umu pulu e elio langane res polou omba. Ngawaiki ma umodue ilengen itau e ma umeile omur ke pelengon lokono. E ngawaiki ma umeile batne lokono ke Ida Tapolngon ila pelengon ka dong kukwop. Krais iye tona pelengon ka dong kukwop batne.

1 Timoti 3:16

E iteile langane. Ida Tapolngon ila pelengon langka wan ka omba lokono. Ida Tapolngon nis ite ine langane. Krais polou langka itosep e osep pula tivati iye. E Ano Itau nis ine langane. Ila elio keniye itau lokono e ensel tivati iye. Osep kla tipalongo ila ke osep pula ke omur omur. Deka osep ka taklak ina aitno lisak la dagar ke iye. E Ida Tapolngon due bauluk tito la ke omur Heven e iye dong kap Ida Tapolngon.