Luk 7:8 - Aria New Testament

⁸ Kesua ngadong moli ke osep ka tiplau ngong e silang blang ngaplau osep ola ina blang. E ngawai ke gute kene ‘amla’ e iye la e ngawai ke gute silang ‘omo’ e iye me. E ngawai ke lou gute bokongon ina ‘omdue wan ane’ e iye due.”

Luk 7:8 ပူးပေါင်းရင်းမြစ်များ

Luk 7:7

Ke batne langane aitno lungong mter ngakaranga ngauti ke wom kovok. E amwai vala e lou gute bokongon ina ma polou itau blang.

Luk 7:9

Deka alo ka Yesus klingen gute tonari ina ila pelengon iye digrik ine. E iye bauluk wai ke osep pula pula ka tididi iye langane. “Ngawai ke umu langane. Ngapado gute kene vala ke omur Israel kovok ka aitno dagar langka gute are aitno dagar.”

Aposel 23:17

Pol klingen ila agau ila pelengon yagos deka iye gi gute ka plau osep ola ina buno kene me polou ke iye e wai langane. “Ampaur gute auram ane ma iye la polou ke lumu gute plaungan ka mgo. Kesua iye waiki palongo gute tonari ila.”

Aposel 23:23

Deka gute plaungan ina ka mgo gi osep orwo ka isak kensak tiplau osep ola ina buno kene e palongo urok langane. “Umodue osep ola ina buno orwo e osep iselme isorwo ka titito kla kap hos e osep buno orwo blang ka tikalke ola. E umekere lumu wan deka ke epmes langka 9 kilok ma umala umoduru ke Sisaria.

Aposel 23:26

Ngong Klodius Lisias ngasogo pas ane uti ke wom gute namor Feliks ka omur ane ina plaungan.

Aposel 23:31

Gute tonari sogo ila pas yagos e kare ke osep ka tipaur Pol. Deka osep ola ina tididi pelengon ka inarak plaungan kare ke isak. Tikere urok wan yagos deka tidue Pol e tisongon armok ke epmes e isak kla tididi ekreng la lama tipolou ke armok Antipatris.

Aposel 24:23

Deka Feliks wai ke gute ka plau osep ola ina buno kene langane. “Amplau gute ane itau e omsongon iye lila sasi boto. E langka sisrok tiwaiki time ma tikere iye deka amdangdang isak ine kovok.”

Aposel 25:26

E eknikane ngausine? Ma ngasogo lange ine e ma lou pas uti la polou ke gute ka vri mgo Sisar? Umoklingen. Eknikane ngadue gute ane polou ke wom Agripa emtem e umu keniye ka umodong ane omtomu blang. Ma umoklingen gute ane ila pelengon mgo e mase ma ngasogo lou pas ine.

Kolosi 3:22

Umu ka wokboi nating umeini upu puda urok pelengon keniye. Umoboko itau alo ka tikaranga tivati umu vala ma aitno lisak itau ke lumu bokongon kovok. Aurou. Umoboko itau lama tikaranga tivati umu koke tikaranga tivati umu kovok. Aitno lumu kene ke urok pelengon e umeinie itau. E ke elio langane umodue anit ke Ida Puda.