Luk 7:47 - Aria New Testament

⁴⁷ Deka ngawai ke wom langane. Ida Tapolngon sak apmang ane ila elio epmes ina ka isak pula kodong kesua iye lana iye omba ke ngong. E dau gute ka due elio epmes ina awal boto e Ida Tapolngon sak isak gute tonari lana iye ke osep daudeng.”

Luk 7:47 ပူးပေါင်းရင်းမြစ်များ

Matyu 10:37

“Langka elio ka osep lana isak ke sipmarak koke titnarak koke titorok arang koke titorok apmang omba mole elio ka isak lana isak ke ngong deka tikaranga tidong lou disaipel kovok.

Luk 7:39

E gute Farisi ina ka gi iye ma iye me ngen kap iye vati elio are e aitno mter langane. “Langka gute ane gute napaprangan ina lokono ma iye ile itau ke apmang ka kai iye. Kesua iye apmang epmes ina.”

Luk 7:46

E amsak opongu ke wel kovok e apmang ane sak kongu ke wel ka ina klingen omba ka amna itau.

Luk 7:48

Deka Yesus wai ke apmang langane. “Ngasak lem elio epmes ina kodong.”

Aposel 5:31

Deka Ida Tapolngon kakai iye dong ke limla odung. Iye due Yesus mgo ke ite e due polou Ida Luangan ka karanga lua itosep Israel ina ma itabauluk aitno lite ke udo elio epmes ina e due udo elio epmes ina vri ke ite kovok.

Pas ka Pol sogoe uti la ke osep Rom ina 5:20

Oglou ari Ida Tapolngon due Moses aitno deka iye sogo Ida Tapolngon ila pelengon ka dong kap osep. E osep ka tile omur ke sogongon tonari tidare aling pula e urok elio epmes ina pula vri ke isak. E alo ari Ida Tapolngon didi aitno e pagei ila makaingan ke osep ari e ila makaingan tonari res polou ombatno e mole elio soulu ka dong ke osep ari.

2 Korin 5:14

Kesua elio ka Krais lana iye ke imi plau imi. E imeile gute kene mete e kasip osep ka pula keniye amunsak e elio ane langka isak ka pula keniye timete blang.

Galesia 5:6

Langka gute dong ke Krais Yesus deka elio ulangngan ina iye wan adai vala e elio ka gute due elio ulangngan ina kovok iye wan adai blang. E elio ka aitno lite ila dagar sruk ite ma ite lana ite ke osep leklou elio langane iye wan lokono.

Efesus 6:24

Ngawaiki Ida Tapol-ngon ila makaingan dong kap umu ka aling aling umu lana umu ke Ida Puda Yesus Krais. E oku ane lou pelengon yagos.

Filipai 1:9

Aling aling ngawai itau langane. Ngawaiki elio ka umu lana umu ke osep res polou omba e ngawaiki umeile omur ke wan bitna bitna itau e aitno lumu mter ke wan malak lokono.

1 Timoti 1:14

E Ida Puda Krais Yesus makai ngong omba lokono. E iye sruk aitno lungong ma aitno lungong dagar ke iye. E iye due aitno lungong la ke osep leklou blang.

1 Jon 1:7

E langka itodue elio itau vala deka itodong ke bublongon langka iye dong ke bublongon. Itodong ke bublongon deka aitno lite kene pulu e Otno Arang Yesus ina marau ris udo elio epmes ina la.

1 Jon 3:18

Lou mimi daudeng. Itawai ite lana ite ke osep leklou vala kovok. Aurou. Ite lana ite ke osep ke elio isuk isuk ka itodue e ke pelengon ka lokono.

1 Jon 4:19

Ite lana ite ke osep leklou batne Ida Tapolngon lana iye ke ite mgo.

1 Jon 5:3

Langka ite lana ite ke Ida Tapolngon ma iteini ila pelengon dagar. E ila pelengon dagar opru ite kovok.