Luk 7:37 - Aria New Testament

³⁷ E umoklingen. Apmang ekreng palma ina ka dong ke armok are ile Yesus dong ke gute Farisi ina ila ninu e iye kalke botol opmu ina ka wel ka ina klingen omba lokono ka amna itau dong ine.

Luk 7:37 ပူးပေါင်းရင်းမြစ်များ

Matyu 21:31

Deka aitno lumu lange? Gute sei didi timla aitno?” E tikoli tiwai otno ka iye wai ke iye mgo didi timla aitno. E Yesus wai ke isak langane. “Ngawai ke umu lokono. Osep ka tidue takis e apmang ekreng palma ina ma tisep ke omur heven ka Ida Tapolngon plaue mgo ke umu.

Luk 18:13

E gute ka due takis dong mawa boto e waiki bitna tito ke omur heven kovok e iye mluk omun ine e wai langane. ‘Ngau Tapolngon aitno lugom due ngong kesua ngong gute epmes ina.’”

Luk 19:7

E alo ka osep tivati elio ane tinogrum tingurngur langane. “Yesus la dong kap gute epmes ina.”

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Luk 5:32

Ngame ma ngagi osep ka tidong itau e osuk ke Ida Tapolngon bitna kovok. Aurou. Ngame ma ngagi osep epmes ina ma tibauluk aitno lisak ke urok elio epmes ina.”

Luk 7:34

E Gute Ka Polou Langka Osep me e ngen e inim e umawai langane. ‘Iye ngen pula e inim pula ma bitna balilu e ila saten isak osep ka tidue takis e osep epmes ina.’

Luk 7:36

E gute Farisi ina kene wai ke Yesus ma iye me ngen nganon kap iye deka iye la sep ke gute Farisi ina ila ninu e dong ke bota.

Jon 11:2

E Maria tonari apmang ka baser wan ka amna itau ke Ida Puda kamla e sake ke apna elilo. E ina tovro Lasarus gute ka paia.

Jon 9:24

E tigi ke gute ka oglou bitna evin blang e tiwai ke iye langane. “Amwai lokono ke Ida Tapolngon bitna ma amwai lokono ke imi. Imeile gute are gute epmes ina.”

Jon 9:31

Iteile Ida Tapolngon klingen osep epmes ina alo ka tipmi iye ke wan bitna bitna kovok. E iye klingen osep ka tidue anit ke iye e ka tididi aitno vala.

Pas ka Pol sogoe uti la ke osep Rom ina 5:8

Yesus ulou ke ina metengen ka kasip amunte kovok. Aurou. Iye mete vala. Oglou ari itosep ka pula keniye ite osep epmes ina e itodue elio epmes ina vala. E ari Ida Tapolngon pagei Yesus me polou ke ite ma kasip amunte. E Yesus kasip amunte e mete batne ke udo elio epmes ina. Kesua Ida Tapolngon lana iye ke itosep ka pula keniye.

1 Timoti 1:15

Pelengon ane lokono. Krais Yesus me ke taklak ma iye lua osep epmes ina. E ma iteklingen ine e ma aitno lite la dagar ine. Deka aitno lungong kro lokono kesua ngong tona ngadue elio epmes ina pula e ngadong langka gute ka mgo ke osep epmes ina.

1 Timoti 1:9

Bokongon ka Moses ila sogongon due langka lua osep ka tidue elio itau kovok. Aurou. Ane ma lua osep ka tipul dogur ke Moses ila sogongon e tididi elio ka aitno lisak vri ke isak vala. E lua osep ka tipul dogur ke Ida Tapol-ngon e tidue elio epmes ina. E lua osep ka tididi Ida Tapolngon ila pelengon kovok e tididi ilengen ka taklak ina vala. Moses ila sogongon langka wai dagar ke osep ka timluk sipmarak e titnarak ma timete e osep ka tipagam osep.

1 Pita 4:18

Kesua Ida Tapolngon ila pelengon wai langane. “Langka osep ka tidue elio isuk isuk ka itau opru isak ke elio ka Ida Tapolngon lua isak ke urok elio epmes ina deka lange ke osep ka tipul dogur ke Ida Tapolngon e osep ka tidue elio epmes ina?”