Luk 7:16 - Aria New Testament

¹⁶ E osep keniye tiulou tarna lisak e tikakai Ida Tapolngon angaine tito e tiwai langane. “Gute napaprangan ina ka angaine omba polou airavu ke ite.” E tiwai silang blang langane. “Ida Tapolngon me ma iye lua ila osep kodong.”

Luk 7:16 ပူးပေါင်းရင်းမြစ်များ

Matyu 15:31

E osep pula pula tonari tidigrik alo ka tivati osep ka tikaranga tiwai kovok tiwai blang e osep ka kamsak limsak timete tikaranga tidue wan ke kamsak limsak blang e osep ka tikaranga tilila kovok tikaranga tilila blang e osep ka amtarsak evin tikaranga tivati omur blang. Osep tivati elio ane e tikakai osep Israel ina Inarak Tapolngon angaine tito la egim.

Matyu 21:11

E osep pula pula tikoli tiwai langane. “Gute ane iye gute napaprangan ina Yesus ka me ke armok Nasaret ka dong ke omur Galili.”

Matyu 28:8

Deka tisongon ina denga e isak kla tisuong e aitno lisak nesik e dau tiketir blang. E tisuong ma tipalongo ila disaipel ine.

Matyu 9:8

Alo ka osep pula pula tivati elio ka Yesus due tilim ke iye e tikakai Ida Tapolngon angaine kesua iye kar arit langane ke osep.

Luk 1:65

Osep ka tidong olwo boto ke iye tilim ine ke elio ane osep ke omur ka gigri gigri ke omur Judia tiwai pulu ke wan ka polou.

Luk 1:68

“Ma itakakai Ida Puda ka Ida Tapolngon angaine tito la egim. Iye osep Israel ina Inarak Tapolngon e iye me ke ila osep e kli urok elio epmes ina.

Luk 19:44

Ma tiuri umu kap titnomu ke taklak ma umemete ke armok aitno. Ma tidardar lumu ninu ma opmu kene napal munu ke opmu silang kovok. Ma tidue langane kesua batne umeile taim alo ka Ida Tapolngon me e waiki lua umu kovok.”

Luk 2:20

E sipsip ina plaungan tiding ke urok sipsip e tidue anit ke Ida Tapolngon e tikakai angaine tito la egim. Kesua wan ka tiklingen ine e wan ka tivati polou eriar langka ensel wai ke isak ine.

Luk 24:19

E iye pmi isak langane. “Elio lange?” E tikoli tiwai langane. “Wan ka la ke Yesus ka Nasaret ina. Iye gute napaprangan ina e iye arit iye ke ila pelengon e ila elio ke Ida Tapolngon bitna e ke osep ka pula keniye amtarsak blang.

Luk 5:26

E osep keniye ka tivati elio ane tidigrik ine e tikakai Ida Tapolngon angaine tito la egim blang. E aitno lisak mter pula e tiwai langane. “Eknikane itavati elio omba ka itavati ke oglou kovok.”

Luk 5:8

Alo ka Saimon ka angaine silang Pita vati elio ane iye gene ke Yesus kamla e wai langane. “Puda amla ke ngong kesua ngong gute epmes ina.”

Luk 7:15

E gute auram ka mete poga tito e nogrum wai ke osep. E Yesus paur iye iding ke tna.

Luk 7:39

E gute Farisi ina ka gi iye ma iye me ngen kap iye vati elio are e aitno mter langane. “Langka gute ane gute napaprangan ina lokono ma iye ile itau ke apmang ka kai iye. Kesua iye apmang epmes ina.”

Luk 8:37

Deka osep ka pula keniye ke omur Gerasa tiulou tarna lisak omba e tipmi Yesus ma iye songon isak e la. Deka Yesus sep ke bot ma iye iding ke aki burla.

Luk 9:19

E tikoli tiwai langane. “Osep leklou tisir wom Jon ka paunim osep e osep leklou tisir wom Elaija e osep leklou blang tisir wom gute napaprangan ina gesa ka dong ke oglou e iye poga tito ke ina denga.”

Jon 1:21

Deka tipmi iye langane. “Deka lange? Wom gute Elaija koke aurou?” E Jon koli wai ke isak langane. “Aurou. Ngong Elaija kovok.” Deka tipmi iye blang langane. “Wom gute napaprangan ina ka itapara ke iye koke aurou?” E Jon koli wai ke isak langane. “Aurou. Ngong gute napaprangan ina tonari kovok.”

Jon 1:25

E tipmi iye langane. “Langka wom gute Krais koke gute Elaija koke gute napaprangan ina ka itapara ke iye kovok ina lange ampaunim osep?”

Jon 4:19

E apmang wai ke iye langane. “Gute. Aitno lungong mter wom gute napaprangan ina gesa.

Jon 6:14

Osep are tivati elio arit ina ka nisngen ka Yesus due e tiwai pulu langane. “Lokono. Gute ane gute napaprangan ina ka oglou Moses wai ma iye me ke taklak.”

Jon 9:17

E tipmi gute ka oglou bitna evin blang langane. “Amwai gute due emtem polou itau e oku ane amwai lange ine?” Deka gute tonari koli wai ke isak langane. “Iye gute napaprangan ina.”

Aposel 5:5

Ananaias klingen Pita ila pelengon deka lokono iye gene e mete. Iye mete kodong deka osep auram leklou tipolou ke iye e tidue pampamu ine e tidugume deka tikalke la ke dogur e tiyase. Alo ari osep ka tiklingen ke elio ka polou ke Ananaias ansak nesik omba ine.

Aposel 7:37

Gute Moses iye gute ka wai ke osep Israel ina langane. ‘Mase ma Ida Tapolngon due lumu aten gesa polou gute napaprangan ina eriar langka oglou iye due ngong.’

Galesia 1:24

Tiklingen omon ke elio ka Ida Tapolngon makai ngong e tikakai Ida Tapolngon angaine ine.