Luk 7:13 - Aria New Testament

¹³ E alo ka Ida Puda vati apmang aitno kro ke iye e wai ke iye langane. “Emkngis kovok.”

Luk 7:13 ပူးပေါင်းရင်းမြစ်များ

Mak 8:2

“Aitno lungong kro ke osep pula pula ane kesua tidong kap ngong iding ke oklou eklu kodong e inarak ngangon dong kovok.

Luk 10:1

Mase Yesus rere osep 72 silang ma tidue ila bokongon. Deka iye pagei isak orwo orwo ma timgo ke iye ke armok keniye e omur keniye ka iye ma la ine.

Luk 11:1

Ke oklou gesa Yesus wai itau ke Ida Tapolngon ke omur kene. Alo ka iye wai itau yagos deka ila disaipel gesa pmi iye langane. “Ipem Puda amnasi imi ke elio ka imawai itau ke Ida Tapolngon langka Jon nasi ila disaipel ine.”

Luk 11:39

E Ida Puda wai ke iye langane. “Umu osep Farisi ina umeris kap e dis dogur itau e aitno lumu bon ke elio ka umawaiki umodue mani pula e elio soulu.

Luk 12:42

E Ida Puda koli wai langane. “Gute bokongon ina sei ka ile itau e didi ina puda ila pelengon e ina puda rere ma iye mgo plau ila osep bokongon ina leklou e ma iye kar inarak ngangon ke isak alo ka ina puda rere?

Luk 13:15

E Yesus koli wai ke iye langane. “Umu osep yakngan ina e aitno lumu orwo. Ke oklou sabat umu kene kene umala ke ongwa urok ninu e umekles urok galou e umapaur lumu bulmakau koke lumu donki la ma tinim aki.

Luk 17:5

Deka Yesus ila aposel tipmi iye langane. “Ipem Puda omdue aitno limi ila dagar res polou omba.”

Luk 17:6

E Ida Puda koli wai ke isak langane. “Langka aitno lumu ila dagar daudeng langka mastet londo umakaranga umawai ke akai omba langane. ‘Lem gigitno polou e amla e omusak wom tona ke misuon.’ E akai are ma didi lumu pelengon.”

Luk 18:6

E Ida Puda wai langane. “Umoklingen pelengon ka jas ka ila elio osuk kovok wai ine.

Luk 19:8

E Sakius vri e wai ke Ida Puda langane. “Ngau Puda emklingen. Oku ane ma ngawade lou wan keniye ke emkil orwo ka eriar e ngakar emkil kene ke osep ka urok wan isuk boto vala. E langka ngayak gute gesa e ngadue ila mani ine ma ngakoli batne ke mani tonari aling apanal.”

Luk 22:61

E Ida Puda bauluk e bitna nekek ke Pita e Pita bitna sisir pelengon ka Ida Puda wai ke iye langane. “Oku ane mgo ke alo ka kwako bole wai aling kene ina ma amwai emile ngong kovok aling eklu.”

Luk 24:3

E alo ka tisep ke denga tivati Ida Puda Yesus pampamu ine kovok.

Luk 24:34

E osep ka tiduni pulu tiwai ke isak langane. “Are lokono. Ida Puda poga tito ke ina denga e iye polou ke Saimon bitna.”

Luk 7:12

E alo ka tipolou olwo boto ke armok ina ari ina ekreng bitna osep tikalke gute auram ka mete ke armok ina dogur. Gute auram tonari apmang ka asap batne otno arang ka kene vala e osep pula pula ke armok tidong kap apmang tonari.

Luk 7:14

E iye polou olwo boto ke karoro e kaie deka osep ka tikalke karoro tivri vala e Yesus wai langane. “Gute auram ngawai langane. Ompoga emtito.”

Luk 7:19

E Jon gi ila disaipel gesa orwo e pagei isak ke Ida Puda. Ma tipmi iye langane. “Wom gute ka imapara ke iye ma iye me koke ma imekrim ke gute silang?”

Luk 8:52

E osep pula tidong ke ninu e tikngis e urok sisngen omba ke apmang ka mete. Deka Yesus wai ke isak langane. “Umekngis sakam kesua iye munu kudung vala.”

Jon 11:2

E Maria tonari apmang ka baser wan ka amna itau ke Ida Puda kamla e sake ke apna elilo. E ina tovro Lasarus gute ka paia.

Jon 11:3

Deka apmang orwo tonari tivai omon ke Yesus langane. “Ipem Puda gute ka wom lana wom ke iye paia.”

Jon 20:13

E tiwai ke Maria langane. “Bela ina lange emkngis?” E Maria koli wai ke isak langane. “Ngakngis kesua osep tidue Ngau Puda e tikalke la e ngaile omur ka tidue munu ine kovok.”

Jon 20:15

Deka Yesus wai ke iye langane. “Bela ina lange emkngis? Emkrim gute sei?” E Maria aitno mter iye gute ka kere wan bitna bitna ke yage tonari e wai ke iye langane. “Gute. Langka amkalke Yesus pampamu ine la ke omur silang ampalongo lou ke omur ka iye munu ine e ma ngala e ngadue.”

Jon 4:1

E Ida Puda ile osep Farisi ina tiklingen omon langka iye paunim osep pula e tipolou ila disaipel e inarak sasa mole Jon ila disaipel inarak sasa.

Jon 6:23

Deka bot daudeng leklou songon armok Taiberias e me ke aki ina dingen batne ka olwo boto ke omur ka Ida Puda wai tenkyu ke Ida Tapolngon ke bret deka osep tingene.

1 Korin 7:30

E osep ka tikngis omba ma tidong langka tikngis kovok. E osep ka tisandir ma tidong langka tisandir kovok. E osep ka tikli wan ma tidong langka osep ka urok wan dong kovok.

1 Tesalonaika 4:13

Sipmi. Imawaiki umeile omur ke wansua ka polou ke osep ka timete kodong. Kesua osep leklou tiwai osep ka timete kodong tipoga titito ke inarak denga kovok. E imawaiki aitno lumu kro ke osep ka timete kodong kovok. Aitno lumu kro kovok langka osep ka aitno lisak dagar ke Ida Tapolngon kovok e tipara ke mosongon ka dong vala dong kovok.

Hibru 2:17

E ke batne langane iye polou langka itosep. Ma iye karanga polou udo gute loulou ina ka mgo ka makai ite. E iye didi Ida Tapolngon ila pelengon keniye ke ila bokongon ka iye loulou ke ite. Ma iye klok osep urok elio epmes ina kla.

Hibru 4:15

Yesus udo gute loulou ina ka mgo e iye ile omur ke elio isuk isuk ka itakaranga itodue kovok. Alo ka Satan tok ite Yesus ile omur ke elio langane kesua oglou Satan tok iye eriar langka iye tok ite. Satan tok iye e dau iye due elio epmes ina kovok.