Luk 6:8 - Aria New Testament

⁸ E Yesus ile aitno lisak e wai ke gute tonari langane. “Emtito omo e emvri ke osep amtarsak.” E gute tito vri are.

Luk 6:8 ပူးပေါင်းရင်းမြစ်များ

Matyu 9:4

E Yesus ile aitno lisak e wai ke isak langane. “Ina lange aitno lumu mter soulu ke lou pelengon?

Mak 3:3

Yesus vati isak e ile aitno lisak. Deka iye wai ke gute ka limla mete langane. “Omo emvri ane.”

Luk 13:12

Alo ka Yesus vati apmang tonari iye gi ke iye ma iye me deka wai langane. “Aiya lem paiangan yagos. Omdong itau.”

Luk 5:22

E Yesus ile wansua aitno lisak mter ine deka iye pmi isak langane. “Ina lange aitno lumu mter ke elio ane?

Luk 6:9

Deka Yesus wai ke osep langane. “Ngapmi umu langane. Wansua itau ma itodue ke oklou sabat? Itodue elio itau koke itodue elio soulu? Itolua gute koke itodue asmel ke gute?”

Jon 2:25

E iye ile wansua ka dong ke osep aitno lisak kodong. E ke batne langane gute kene dong ma lua iye ma iye ile osep urok elio kovok.

Jon 21:17

Deka Yesus pmi iye aling eklu ina langane. “Saimon wom ka Jon otno arang wom lana wom ke ngong?” E Pita aitno soulu kesua iye pmi iye aling eklu ina langane. “Wom lana wom ke ngong?” E Pita koli wai langane. “Ee. Ngau Puda emile wan ka pula keniye e emile ngong lana ngong ke wom.” Deka Yesus wai ke iye langane. “Emkere lou osep ka isak langka sipsip itau.”

Jon 9:4

Ke oklou kene kene alo ka oklou dau bublo ma itodue Ida Tapolngon ka pagei ngong ngame ila bokongon. Kesua epmes ma polou e osep tikaranga tiboko ke epmes kovok.

Aposel 20:24

Lama elio soulu bitna bitna tipolou ke ngong aitno lungong mter ke ngong kovok. Aurou. Aitno lungong dagar ma ngadue bokongon ka Ida Puda Yesus kare ke ngong e ngawaiki ngaboko ine vala. Iye kar bokongon ke ngong ma nganapapra ila omon itau ka didi Ida Tapolngon ila makaingan.”

Aposel 26:26

E silang blang gute ka vri mgo Agripa ile omur ke pelengon ka ngawai ine kodong. Ngawai malak ine kesua ngaile omur iye ile ine kodong. Kesua elio ka ngawai ine polou kukwop kovok.”

Filipai 1:28

E ngaile upu oul tikaranga tidue umu ma umoulou tarna lumu ke wan bitna bitna kovok. Aurou. Alo ka tivati lumu elio langare tile ma tikluk ke omur hel e dau Ida Tapolngon due umu umodong itau.

Hibru 4:13

Ida Tapolngon tapol wan ka pula keniye deka wan gesa dong ka karanga kukwop ke iye kovok. Wan ka pula keniye dong malak ke bitna e mase ma itawai ke iye ke elio isuk isuk ka itodue kodong.

1 Pita 4:1

Oglou Krais polou langka itosep e namani elio soulu ka osep tidue ke iye. Deka ngawaiki umu arit umu e aitno lumu mter langane blang kesua alo ka umanamani agegeng ke osep umawaiki umodue elio epmes ina kovok.

Pelengon kukwopngon 2:23

E osep ka tididi iye ma ngamluk isak ma timete. Deka sios ka pula keniye ma tile omur langane. Ngakaranga ngawade osep ka pula keniye aitno lisak. E ngakoli batne ke umu kenmu kenmu karanga ke elio ka umodue.”