Luk 6:49 - Aria New Testament

⁴⁹ E gute ka klingen lou pelengon e didie kovok iye langka gute ka uri ila ninu ke taklak vala. E langka aki song e pes ninu ma ninu nobong e ina agegeng omba.”

Luk 6:49 ပူးပေါင်းရင်းမြစ်များ

Matyu 23:3

E umeini e umedidi urok pelengon e dau umakana urok elio kovok. Kesua isak tona tididi Moses ila sogongon kovok.

Matyu 24:10

E osep pula ma tisongon aitno lisak ila dagar e lai urok pulu e aitno lisak soulu lokono pulu.

Mak 4:17

Aitno lisak neser ine e aitno lisak la dagar lokono ine kovok. Aitno lisak la dagar ine isuk boto vala langka wit ka gigitno isuk boto vala. E alo ka osep tidue agegeng ke isak koke tisokluk ine batne ke pelengon tonari deka lokono tisongone. Tidue elio langane kesua batne aitno lisak la dagar isuk boto vala.

Luk 12:47

“Gute bokongon ina ka ile ina puda aitno e dau kere wan koke didi ina puda aitno kovok ma ina puda ules iye pula.

Luk 19:14

E osep ka tidong ke ila omur aitno lisak soulu e amnga ke iye e tipagei osep leklou isak kla batne ke iye ma tiwai langane. ‘Imawaiki gute are vri mgo ke imi kovok.’

Luk 19:27

E umapaur ngau oul keniye ka tiwaiki ngavri mgo ke isak kovok time ane e umomluk isak ma timete ke omtongu.’”

Luk 6:46

“Umawai ke ngong langane. ‘Puda Puda.’ E dau umedidi lou pelengon kovok.

Luk 6:48

Iye langka gute ka waiki uri ila ninu deka iye yas taklak e uri ninu ke opmu dagar. Deka langka aki song e pes ninu ma iye nemilmil kovok kesua gute uri ninu itau.

Luk 7:1

Alo ka Yesus wai ila pelengon keniye ke osep pula pula yagos iye la ke Kaperneam.

Jon 15:2

E Livou blou galou wain palma tonari tetna ka tiusu otna kovok e uri isak la. E galou wain palma tetna ka tiusu otna Livou pi elilo ka sasi ma tetna tonari usu otna pula.

Aposel 20:29

Ngaile ma ngala deka ma osep leklou ka isak osep soulu bitna ma time e tiyak umu. Tiyak umu ma tidue pogle ke umu eriar langka gemle kevena tipupru sipsip deka tingen isak.

Aposel 26:11

Aling pula ngala ngapolou ke limem duningen ina ninu bitna bitna e ngatok osep ma tipul dogur ke Inarak Puda. Alo ari aitno lungong engil pula e ngala ke armok leklou blang ka mawa ma ngadue agegeng ke osep ka aitno lisak dagar ke Yesus.”

1 Tesalonaika 3:5

Ke batne langane ngakaranga ngapara kovok. E ngapagei Timoti la ke umu ma ngaile omur langka aitno lumu ila dagar dau dong dagar koke aurou. Lama Satan polou ke umu e tok umu kodong e umosongon aitno lumu ila dagar e limem bokongon ke umu polou adai.

2 Pita 2:20

Langka osep aitno lisak la dagar ke Yesus Krais ka iye Ida Puda e Ida Luangan deka tikos ke wan bitna bitna ka soulu ka taklak ina. E langka mase tiding tidue elio soulu blang e elio soulu plau isak deka urok mosongon polou soulu blang. Oglou urok mosongon soulu e eknikane urok mosongon soulu lokono.

1 Jon 2:19

Oglou osep tonari tidong kap ite deka tisongon ite kesua isak udo osua lokono kovok. Langka tidong ke udo osua lokono deka isak dau tidong kap ite. E alo ka tisongon ite ane nisngen tidong ke udo osua lokono kovok.