Luk 6:42 - Aria New Testament

⁴² Koke langka akai palma omba dong ke omtomu lange umakaranga umawai ke supmu langane? ‘Ma imepi group ka dong ke omtomu.’ E dau umeile akai palma omba dong ke omtomu kovok. Umu ka aitno lumu orwo e umayakyak umodue langane. Mgo umepi akai palma omba ka dong ke omtomu deka umakaranga umepi group ka dong ke supmu amtarsak.”

Luk 6:42 ပူးပေါင်းရင်းမြစ်များ

Matyu 26:75

Deka Pita bitna sisir oglou Yesus wai pelengon langane. “Mgo ke alo ka kwako bole wai ma amwai emile ngong kovok aling eklu.” E Pita la ke dogur e kngis omba lokono.

Matyu 7:3

Ina lange amkaranga amvati wan daudeng langka group ke gute silang bitna e amkaranga amvati wan langka akai palma omba ka dong ke emtem kovok?

Matyu 7:4

Langka wan langka akai palma omba dong ke emtem ina lange amwai ke supmu langane? ‘Ma ngapi group ka dong ke emtem.’ E dau emile wan langka akai palma omba dong ke emtem kovok.

Luk 13:15

E Yesus koli wai ke iye langane. “Umu osep yakngan ina e aitno lumu orwo. Ke oklou sabat umu kene kene umala ke ongwa urok ninu e umekles urok galou e umapaur lumu bulmakau koke lumu donki la ma tinim aki.

Luk 22:32

E ngawai itau ke Ida Tapolngon ke wom ma aitno lugom ila dagar dong dagar. E alo ka ambauluk e emiding ke ngong ngawaiki omdue lem osua aitno lisak ila dagar tidong dagar lokono.”

Luk 6:41

“Ina lange umakaranga umavati wan daudeng langka group dong ke supmu amtarsak e dau umakaranga umeile wan langka akai palma omba dong ke omtomu kovok?

Luk 6:43

“Akai ka itau usu otna ka sasi kovok e silang blang akai ka sasi usu otna ka itau kovok.

Aposel 13:10

“Wom Satan otno arang wom. Elio itau ina oul wom. Lem elio keniye yakngan. Eknikane oklou aling aling amwaiki Ida Puda ila elio osuk polou kolok.

Aposel 2:38

Deka Pita koli wai ke isak langane. “Eknikane umabauluk aitno lumu ke lumu elio epmes ina bitna bitna e umedidi elio paunimngen ina ke Yesus angaine. Aitno lumu la dagar ke Yesus Krais ka Upu Luangan. Deka ma iye lua umu ke lumu elio epmes ina e ma iye kar Ano Itau ke umu kenmu kenmu deka ma Ano Itau dong ke aitno lumu.

Aposel 8:21

Eknikane emneklep ke imi e omdong ke limem bokongon ane kovok. Ida Tapolngon vati aitno lugom e ile aitno lugom dau orwo ke iye.

Pas ka Pol sogoe uti la ke osep Rom ina 2:1

Umoklingen. Umu osep Israel ina umesin elio vri ke osep pula. Umawai tidar pelengon dagar pula ka vri ke isak. Umawai tidar Moses ila sogongon e umu tona umadar sogongon tonari eriar langka umawai tidare. Alo ka umawai sinngen elio vri ke osep tonari lumu sinngen elio bauluk ke umu vala e munu pes umu. Deka lumu pelengon yagos.

2 Korin 5:18

Wan bitna bitna tonari polou ke Ida Tapolngon. Oglou ite Ida Tapolngon ina oul ite deka ke Krais iye due aitno lite tipolou kene kap iye. Aitno lite kene kap iye deka iye kar bokongon ke ite ka itoboko e itodue osep leklou aitno lisak kene kap iye blang.

2 Timoti 2:21

Are langka pelengon ano ke Ida Tapolngon ila osep ite. Langka gute gesa pul dogur ke elio soulu iye ma polou Ida Puda ila gute ka itau lokono langka dis ka itau. E iye karanga due bokongon bitna bitna ka Ida Puda waiki iye due.

2 Pita 1:9

E langka elio tonari dong ke gute kene kovok deka ane langka bitna evin e iye karanga vati itau kovok. E bitna uli ke elio ka Ida Tapolngon klok ila elio epmes ina ka oglou iye due kodong.