Luk 6:27 - Aria New Testament

²⁷ “E ngawai ke umu ka umo-klingen lou pelengon langane. Umu lana umu ke upu oul e umodue elio itau ke osep ka aitno lisak amnga e engil ke umu.

Luk 6:27 ပူးပေါင်းရင်းမြစ်များ

Mak 4:24

Deka iye wai ke isak blang langane. “Aitno lumu mter pula ke lou pelengon ka umoklingen ine ma umeile omur ke lana ine. Langka umawai ke osep ke Ida Tapolngon ila pelengon ka umoklingen ine ma iye lua umu ke ila pelengon leklou blang. E langka umawai ke osep ine kovok ma Ida Tapolngon lua umu ke ila pelengon leklou blang kovok.

Luk 23:34

E Yesus wai itau ke Ida Tapolngon langane. “Livou amsak urok elio kesua tile omur ke wansua ka tidue kovok.” E osep ola ina tiuri opmu ka nisngen dong ine e tiwade Yesus ila klos ine.

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Luk 6:35

E umu lana umu ke upu oul e umodue elio itau e umakar lumu mani ke osep e aitno lumu mter ke ila kolingen kovok. Deka ma umodue lumu klingen ombatno e ma umodong Ida Tapolngon ka dong egim lokono titno umu. Kesua iye tona due mada ke osep ka aitno lisak itau kovok ke wan ka iye due e iye due mada ke osep ka soulu bitna.

Luk 8:15

E londo ka tiduru timunu ke taklak itau isak langka osep ka tiklingen omon itau e tikise dagar. E aitno lisak mter osuk e itau e tivri dagar e anino itau.”

Luk 8:18

Deka umeile umu itau ma umoklingen pelengon itau. Kesua gute ka wan dong ke iye ma iye due wan leklou e gute ka wan dong ke iye kovok Ida Tapolngon ma pi wan ka aitno vala mter dong ke iye.”

Luk 8:8

E londo leklou tiduru timunu ke talkak itau e tinobolbol e alo ka isak anino erine tiusu otna pula langka buno kene.” Yesus wai langane deka iye gi ke osep langane. “Langka umakaranga umoklingen pelengon ano deka umoklingen itau.”

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 16:28

Deka Pol gi ke iye omba langane. “Ampaiavu wom sakam omdong vala. Kesua imi osep kalabus ina keniye imi dau imodong ane.”

Aposel 7:60

Deka iye grum kamla buno deka gene duru e wai dagar lokono langane. “Ngau Puda omkoli osep ane urok elio sakam.” Iye wai langane deka mete.

Galesia 6:10

E alo ka itakaranga itodue elio itau ke osep leklou ma itodue. Itodue elio itau ke osep ka pula keniye e wan ka itau lokono itodue elio itau ke Ida Tapolngon ila osep.

1 Tesalonaika 5:15

Langka osep tidue elio soulu ke umu ma umokoli urok elio soulu batne kovok. Aling aling umodue elio itau pulu e umodue elio itau ke osep ka pula keniye.

3 Jon 1:11

Lou aten ka ngong lana ngong ke wom. Amkana elio soulu kovok. Aurou. Amkana elio itau vala. Kesua gute ka due elio itau vala iye Ida Tapolngon ila gute e gute ka due elio soulu iye ile Ida Tapolngon kovok.