Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Luk 6:22 - Aria New Testament

22 Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

အခန်းကိုကြည့်ပါ။ ကော်ပီ




Luk 6:22
29 ပူးပေါင်းရင်းမြစ်များ  

Aitno lumu dagar ke ngong e ke batne langane osep ma tidue umu umevri ke osep ka tiplau omur emkil e osep ka tivri mgo ke omur omur amtarsak. Ma umapalongo urok e osep ka isak osep Yuda ina kovok ke aitno lumu ila dagar.


E ma osep aitno lisak engil lokono ke umu batne aitno lumu dagar ke ngong. E langka aitno lumu dagar la lama wan ka pula keniye yagos ma Ida Tapolngon lua umu.


E langka tiwaiki urok mosongon dong ke taklak ane ma urok mosongon imina la. E langka tikar urok mosongon ke ngong ma tipado urok mosongon ka lokono.”


Deka tiuri iye ke yage dogur e tidue burwa ke iye.” Deka Yesus pmi osep langane. “Aitno lumu lange? Ma yage ina gute due wansua ke osep tonari?


Ma osep ka pula keniye aitno lisak soulu lokono ke umu kesua umedidi ngong.


Umu ka oku ane sapanga due umu aitno lumu itau itau kesua mase ma umogot ke ngangon. E umu ka oku ane umekngis aitno lumu itau itau kesua mase ma umeivel.


E dau osep plaungan ina pula aitno lisak la dagar ke Yesus. Lama langane dau tipalongo malak ine kovok kesua tiulou tarna lisak ke osep Farisi ina lama tisapir isak ke urok duningen ina ninu.


Mase osep ma tisapir umu ke urok duningen ina ninu e ma tidue burwa ke umu. E gute ka due burwa ke umu ma aitno mter iye due Ida Tapolngon ila bokongon.


“Ngakar lem pelengon ke isak e ke batne langane osep taklak ina aitno lisak engil e amnga ke isak. Aitno lisak engil e amnga ke isak kesua isak langka osep taklak ina kovok eriar langka ngong langka osep taklak ina kovok.


Osep taklak ina aitno lisak engil ke umu kovok e aitno lisak engil ke ngong kesua ngawai malak ke isak ke urok elio soulu ka tidue.


Deka osep Farisi ina tikoli tiwai langane. “Aiya divir wom ke elio epmes ina e lila me ke eknikane wom dau omdong ine. E oku ane amwaiki amparere imi i?” Deka tisapir iye ke urok duningen ina ninu.


Osep Yuda ina tiklingen Pol ila pelengon la lama iye wai langare deka lokono aitno lisak nevlik amnga lokono e tiwai omba langane. “Umemke gute are ma iye mete. Gute langare iye karanga dong kap itosep kovok e ma iye mete vala.”


Imi ane imavati gute ane due elio soulu lokono polou. Iye lila kap imi osep Yuda ina e sruk osep pula aitno lisak. Iye due elio langane ke omur ka pula keniye. Silang iye mgo ke osep ka tisir isak osep ka gute Nasaret ina.


Ma nganis iye ke elio soulu pula ka mase iye ma namani kesua batne iye due lou bokongon.”


Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.


E langka umodue elio itau vala e osep dau tidue elio soulu ke umu ine Ida Tapolngon ma kere umu itau. Umelim ke isak kovok e aitno lumu kro ine kovok.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ