Luk 6:21 - Aria New Testament

²¹ Umu ka oku ane sapanga due umu aitno lumu itau itau kesua mase ma umogot ke ngangon. E umu ka oku ane umekngis aitno lumu itau itau kesua mase ma umeivel.

Luk 6:21 ပူးပေါင်းရင်းမြစ်များ

Matyu 5:4

“Osep ka tikngis aitno lisak itau itau kesua Ida Tapolngon ma due aitno lisak tidong itau blang.

Matyu 5:6

“Osep ka isak arit isak ma tidue elio ka osuk vala ke Ida Tapol-ngon bitna aitno lisak itau itau kesua ma tigot ke Ida Tapolngon ila wan.

Luk 1:53

Iye kar wan itau pula ke osep ka urok wan isuk boto vala e iye sapir osep ka urok wan pula dong ke isak.

Luk 6:20

Deka bitna la ke ila disaipel e iye wai ke isak langane. “Umu ka lumu wan isuk boto vala aitno lumu itau itau kesua mase ma wan ka omur heven ka Ida Tapolngon plaue polou lumu wan.

Luk 6:22

Umu ka osep aitno lisak soulu lokono ke umu e tipli umu e tiwai soulu ke umu e aitno lisak mter angainmu wan ka soulu kesua umedidi Gute Ka Polou Langka Osep aitno lumu itau itau ine.

Luk 6:25

Aisudo ke umu ka oku ane umangen ngangon pula kesua mase ma sapanga due umu. Aisudo ke umu ka oku ane umeivel kesua mase ma umekngis omba.

Jon 11:35

E Yesus kngis.

Jon 4:10

E Yesus koli wai langane. “Langka emile presen ka Ida Tapolngon waiki kare ke wom e langka emile gute sei iye wai ke wom ma amkar iye aki deka amkaranga empmi iye e ma iye kar aki ka mosongon ina ke wom.”

Jon 6:35

Deka Yesus wai ke isak langane. “Ngong bret ka kar mosongon ke osep. Gute sei ka me ke ngong ma sapanga due kovok e gute sei ka aitno la dagar ke ngong ma aki vel iye kovok.

1 Korin 4:11

Ke oglou me iding ke eknikane imodong langka sapanga due imi e kre limi kakrak lokono. E imetnei klos ka itau kovok. Osep timluk imi e limem ninu gesa dong ka imodong ine kovok.

2 Korin 11:27

Ngadue bokongon ka engil lokono e aling pula ngaboko e ngamunu kudung kovok. E aling pula sapanga due ngong e aki vel ngong kesua ngau ngangon sasi boto vala e tarna lungong blesim kesua lou klos karanga ke ngong kovok.

2 Korin 12:10

Ngadue Krais ila bokongon e wan bitna bitna tipolou ke ngong. Lou arit kovok e osep tiwai soulu ke ngong e wan polou ka opru ngong. E agegeng e elio soulu polou ke ngong. Wan tonari polou ke ngong e aitno lungong mter isak wan gesa kovok kesua alo ka lou arit kovok deka Ida Tapolngon ila arit lua ngong.

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

Pelengon kukwopngon 21:3

Deka ngaklingen gute kreine wai omba ke Ida Tapolngon ila kova langane. “Umoklingen. Eknikane Ida Tapolngon ila ninu dong kap osep e iye dong kap isak blang. Iye dong kap osep e tidong ila osep e iye dong kap isak blang.

Pelengon kukwopngon 7:16

Ma sapanga due isak blang kovok e ma aki vel isak blang kovok. Oklou ma vel isak e due tarna lisak polou engil lokono kovok.