Luk 6:20 - Aria New Testament

²⁰ Deka bitna la ke ila disaipel e iye wai ke isak langane. “Umu ka lumu wan isuk boto vala aitno lumu itau itau kesua mase ma wan ka omur heven ka Ida Tapolngon plaue polou lumu wan.

Luk 6:20 ပူးပေါင်းရင်းမြစ်များ

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 25:34

Deka ma gute ka vri mgo ke omur are wai ke osep ka tidong ke galna odung langane. ‘Umu osep ka Livou due aitno lumu itau itau umomo e umodue omur ka Ida Tapolngon rere ke umu alo ka iye tapol wan ka pula keniye.

Matyu 5:1

Yesus vati osep pula pula tididi iye deka iye tito ke gigri e duru dong ine. Iye duru dong deka ila disaipel tipolou ke iye.

Luk 12:32

“Lumu osua sasi boto e ngawaiki umelim kovok. Kesua Pmomu aitno itau ke umu e rere umu ma umodong kap iye ke omur ka iye plaue.

Luk 13:28

“E ma umekngis omba e umasak opmu erine pulu kesua aitno lumu engil lokono alo ka umavati Abraham e Aisak e Jekop e osep napaprangan ina keniye tidong ke omur ka Ida Tapolngon plaue. E Ida Tapolngon ma sapir umu e umodong ke dogur vala.

Luk 14:15

Gute kene ka ngen kap Yesus klingen ila pelengon tonari deka wai ke iye langane. “Gute ka ngen ngangon ke omur ka Ida Tapolngon plaue aitno itau itau.”

Luk 16:25

E Abraham koli wai ke iye langane. ‘Erigu emtem sisir alo ka omdong ke taklak wan itau lokono polou ke wom e wan soulu polou ke Lasarus. E eknikane Lasarus aitno itau ane e amnamani wan soulu are.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Aposel 14:22

E tilua Yesus ila disaipel ke armok armok tonari ma aitno lisak dong dagar lokono ke iye. Tiwai ke isak langane. “Aitno lumu dong dagar lokono ke Yesus. Umopul dogur ke iye sakam. Ma agegeng polou ke umu mgo deka mase ma umodong ke omur ka Ida Tapolngon plaue.”

2 Korin 6:10

Aling pula aitno limi kro ke elio soulu ka polou ke imi e dau aling aling aitno limi neser. Imodong langka osep ka urok mani isuk boto vala e dau limem bokongon lua osep pula ma tidong itau. Limem wan bitna bitna ka taklak ina pula kovok e dau Ida Tapolngon lua imi ke ila kerengen ka itau.

2 Korin 8:2

Wan pula tipolou ka opru isak e dau aitno lisak neser omba. E lama urok wan bitna bitna isuk boto vala dau aitno lisak mter ke osep Kristen leklou e tituktuk urok mani e tikare ke isak e aitno lisak mter ke isak tona vala kovok.

2 Korin 8:9

E umeile Ida Puda Yesus Krais ila makaingan. Iye dong ke omur heven e wan ka pula keniye tidong ila wan. E dau iye songon wan tonari e polou langka ila wan isuk boto vala ma iye lua umu. Iye due langane ma lumu wan pula tidong ke Ida Tapolngon bitna.

1 Tesalonaika 1:6

Umodue Ida Tapolngon ila omon itau deka osep tidue elio soulu bitna bitna ke umu. E dau umakana limem elio e Ida Puda ila elio e Ano Itau sruk aitno lumu ma aitno lumu neser ine.

2 Tesalonaika 1:5

Ke wan ka polou ke umu Ida Tapolngon nis ite langane. Iye didi elio itau vala e wade osep ine e ila wadengen osuk vala. E aitno itau ke umu langka aitno itau ke osep ka iye rere isak ma tikaranga tisep ke ila omur. Ke batne langane umanamani wan soulu bitna bitna.

Jems 1:12

Gute ka vri dagar alo ka wan polou ka opru iye ma Ida Tapolngon aitno itau ke iye e kere iye itau. Kesua mase ma Ida Tapolngon kar iye wan itau langka osep ka timole resis tidue. Wan ane mosongon itau ka iye wai promis ine ke osep ka isak lana isak ke iye.

Jems 2:5

Sipmi. Umoklingen lou pele-ngon ane. Ida Tapolngon rere osep ka urok wan isuk boto vala ke taklak ane ma aitno lisak ila dagar dong dagar lokono ke iye. E iye rere isak ma mase tidong ke omur ka iye plaue ka iye wai promis ine ke osep ka isak lana isak ke iye.

Pelengon kukwopngon 2:9

‘Ngaile elio ka polou ka opru umu. E ngaile umodong langka lumu wan isuk boto vala. E lokono lumu wan pula dong para ke umu ke omur heven. E ngaile pelengon soulu ka osep leklou tiwai ine ke umu. Osep tonari tiwai langane. “Imi osep Yuda ina.” E isak osep Yuda ina kovok. Aurou. Isak Satan ila osua vala.