Luk 6:13 - Aria New Testament

¹³ Kotkotu polou e iye gi ke ila disaipel pula e rere osep songotno orwo vala ke isak e sir isak aposel.

Luk 6:13 ပူးပေါင်းရင်းမြစ်များ

Matyu 10:2

Ila aposel songotno orwo angainsak langane. Aposel kene ina angaine Saimon ka angaine silang Pita. E ina tovro Andru iye aposel blang. E Jems e Jon ka isak gute Sebedi titno arang.

Matyu 19:28

E Yesus wai ke isak langane. “Ngawai lokono ke umu. Mase Gute Ka Polou Langka Osep ma dong ke ila kova ka itau lokono alo ka Ida Tapolngon due wan ka pula keniye tipolou oku. E umu songotno orwo ka umedidi ngong ma umodong ke kova songotno orwo e umaplau osua songotno orwo ke osep Israel ina.

Matyu 9:36

Alo ka iye vati osep pula pula aitno kro ke isak kesua aitno lisak karanga mter itau kovok e tikaranga tilua isak tona kovok. Tidong langka sipsip ka inarak plaungan dong kovok.

Mak 6:30

Mase osep aposel ina ti-bauluk tiding ke Yesus blang. Deka tipolou ke bitna e tipalongo ila ke urok langan. Tipalongo ila ke elio bitna bitna ka tidue e ke pelengon ka tiparere osep ine.

Mak 6:7

Yesus gi ila disaipel songotno orwo ma time tipolou ke iye. Tipolou ke iye kodong deka iye pagei isak orwo orwo ma isak kla tidue bokongon ka iye kare ke isak. Deka iye kar ila arit ke isak ma tisapir angelo soulu ka tidong ke osep leklou.

Luk 11:49

Oglou Ida Tapolngon ka ila ilengen ombatno wai langane. ‘Ma ngapagei osep napaprangan ina e osep aposel ina ke osep. Ma osep tidue burwa ke isak leklou e ma tidue agegeng ke isak leklou silang.’

Luk 22:30

Ke omur ka ngavri mgo ine ma umodong ke lou bota e umangen e umeinim kap ngong. E ma umodong ke kova kova langka osep ka tiplau omur omur e umawade osua songotno orwo ke osep Israel ina.”

Luk 6:14

Iye rere Saimon ka iye sir angaine silang Pita e ina tovro Andru e Jems e Jon e Filip e Bartolomyu.

Jon 4:33

Deka ila disaipel tipmi isak pulu langane. “Gute gesa me e kar ngangon ke iye koke aurou?”

Aposel 1:13

Osep aposel tipolou ke Jerusalem deka tidong ke ninu gesa ina eliang ka dong egim. Tidong ine deka tiwai itau ke Ida Tapolngon oklou aling aling kesua aitno lisak kene ke iye. Osep ka tidong ine angainsak langane. Pita e Jon e Jems e Andru e Filip e Tomas e Bartolomyu e Matyu e Alfius otno arang Jems e Saimon ka Selot ina deka Jems silang blang otno arang Judas. E Yesus tna Maria e ina saiver tigosok apmang leklou blang tidong kap osep tonari.

Efesus 2:20

Deka itodong langka Ida Tapolngon ila ninu e osep aposel e osep napaprangan ina tidong langka opmu ka Ida Tapolngon ila ninu dong dagar ine. E Yesus iye tona opmu ka due Ida Tapolngon ila ninu nepir pulu e dong dagar lokono.

Efesus 4:11

Krais tona lua osep ke ila kerengen. Iye rere osep leklou ma isak osep aposel. E iye rere osep leklou ma isak osep napaprangan ina. E iye rere osep leklou ma tinapapra Ida Tapolngon ila omon itau ke omur omur. E iye rere osep leklou ma tiplau Yesus ila osep e ma tiparere isak ke ila pelengon.

Hibru 3:1

Sipmi. Umu ka Ida Tapolngon ka dong ke omur heven rere umu ila osep e ma umodong kap iye ngawai ke umu langane. Aitno lumu mter ke Yesus ka aitno lumu dagar ke iye. Ida Tapolngon pagei iye ma iye polou udo gute loulou ina ka mgo.

2 Pita 3:2

E ngawaiki omtomu sisir pelengon ka oglou Ida Tapolngon ila osep napaprangan ina tiwai ine. E ngawaiki omtomu sisir pelengon dagar ka Ida Puda ka Ida Luangan kare ke ila osep aposel deka tiwai ine ke umu.

Pelengon kukwopngon 12:1

Deka nisngen ka omba polou ke sirva. Nisngen tonari langka apmang ka iye tnei oklou lelei ke iye. E taiko dong moli ke apmang kamla e gigimo songotno orwo tidong ka apna langka hat ka osep ka tivri mgo ke omur omur tisine.

Pelengon kukwopngon 18:20

“Umu ka umodong ke omur heven e umu ka Ida Tapolngo ila osep e ila aposel e ila osep napaprangan ina umasandir ke wan ka polou ke armok tonari. Kesua Ida Tapolngon due agegeng ine. Kesua batne ke ila elio soulu iye due ke umu.”

Pelengon kukwopngon 21:14

E silang ke ari tonari opmu songotno orwo ka due ari dagar dong ine. E tisogo angaine kene ke Sipsip Otno ila aposel songotno orwo ke opmu kene kene.