Luk 6:12 - Aria New Testament

¹² Alo ari Yesus tito ke gigri gesa ma iye wai itau ke Ida Tapolngon e iye wai epmes la iding ke kotkotu.

Luk 6:12 ပူးပေါင်းရင်းမြစ်များ

Matyu 5:1

Yesus vati osep pula pula tididi iye deka iye tito ke gigri e duru dong ine. Iye duru dong deka ila disaipel tipolou ke iye.

Matyu 6:6

E umu alo ka umawai itau ke Ida Tapolngon umu vala umesep ke lem eliang e umediva ekreng bitna. E umawai itau ke Pmomu. Iye ile wan ka umodue alo ka umu vala umodong e iye ma kar kerengen ka omur heven ina ke umu.

Mak 1:35

Epmes polou e Yesus munu kudung ke ninu tonari la lama kotkotu lokono deka iye tipa e songon ninu. Deka iye la polou ke omur ka dong adai vala e dong ine e wai itau ke Ida Tapolngon.

Mak 3:13

Mase Yesus tito la ke omur ka gigri gigri e dong ine. Deka iye gi osep leklou ka iye waiki tididi iye ma time tipolou ke iye.

Mak 6:46

Iye pagei osep tonari kla deka iye la ke omur ka gigri gigri kesua iye waiki wai itau ke Ida Tapolngon ine.

Luk 5:16

E aling pula Yesus kene vala songon osep e la ke omur ka osep tidong ine kovok ma iye wai itau ke Ida Tapolngon.

Luk 6:11

E osep Farisi ina e osep ka tile itau ke Moses ila sogongon aitno lisak nevlik omba e engil e tiwai pulu ke wansua tiwaiki tidue ke Yesus.

Luk 6:17

Deka iye duru ke gigri kap isak e vri ke omur ka mang e ila disaipel pulu pula tidong are kap osep pulu pula leklou. Osep tonari ka time ke armok armok ke omur Judia e ke Jerusalem e ke misuon ina dingen batne olwo boto ke Tair e Saidon.

Luk 9:18

Aling kene Yesus kene vala wai itau ke Ida Tapolngon e ila disaipel tidong kap iye. Deka iye pmi isak langane. “Osep pula pula tiwai ngong sei?”

Luk 9:28

Mase oklou epmes lumeklu mela yagos deka Yesus kap Pita e Jon e Jems titito ke gigri ma iye wai itau ke Ida Tapolngon.

Luk 9:29

E alo ka Yesus wai itau bitna polou silang e ila klos polou okou lokono e bublo.

Jon 6:3

E Yesus tito ke gigri daudeng gesa e dong ine kap ila disaipel.

Kolosi 4:2

Aling aling umawai itau ke Ida Tapolngon e umosongon elio tonari polou yagos kovok. Alo ka umawai itau aitno lumu mter itau ke lumu pmingen e umawai tenkyu ke wan ka Ida Tapolngon kare ke umu.

Hibru 5:7

Alo ka Yesus dau dong ke taklak aling aling iye wai itau ke Ida Tapolngon e pmi iye ke wan bitna bitna. Iye daiku ke Ida Tapolngon e kngis kesua iye ile Ida Tapolngon karanga lua iye ma iye mete kovok. E Ida Tapolngon klingen ila pelengon e koli ila pmingen itau kesua iye due anit ke iye e ini iye.