Luk 5:29 - Aria New Testament

²⁹ E Livai due rogo ke Yesus ke ila ninu e osep pula ka tidue takis e osep leklou pula tingen kap isak.

Luk 5:29 ပူးပေါင်းရင်းမြစ်များ

Matyu 11:19

E Gute Ka Polou Langka Osep me e ngen ngangon e inim aki wain e osep tiwai langane. ‘Gute are iye ngen ngangon pula e inim aki wain ma bitna balilu e ila saten isak osep ka tidue takis e osep epmes ina.’ E dau Ida Tapolngon ila osep tidue elio itau e elio are nis osep Ida Tapolngon ila ilengen iye pelengon lokono.”

Matyu 5:46

Langka umu lana umu ke osep ka isak lana isak ke umu vala ina lange ma umodue wan ka itau ke Ida Tapolngon? Osep ka tidue takis ke osep tidue langane blang.

Matyu 9:10

Mase Yesus gosok ila disaipel tingen ngangon ke Matyu ila ninu e osep pula ka tidue takis e osep epmes ina leklou tidong blang.

Matyu 9:9

Yesus songon omur are e iye lila e vati gute ka due takis ka angaine Matyu dong ke omur ka osep tikli takis ine. E Yesus wai ke iye langane. “Omo emdidi ngong.” Deka Matyu tito e didi Yesus.

Mak 2:15

Deka Yesus la ke Livai ila ninu e sepe. Deka iye gosok ila disaipel tidong lelei bota ma tingen inarak ngangon ine. Ari osep pula tididi iye. Deka osep ka tidue takis e osep epmes ina pula tigosok Yesus tidong ke bota tonari.

Luk 15:1

E osep ka tidue takis e osep epmes ina time ke Yesus ma tiklingen ila pelengon.

Jon 12:2

E Yesus ila saten leklou tipou rogo ke Yesus. E Lasarus dong ke bota kap Yesus e Marta lua osep titongo ngangon ke osep.

1 Korin 10:27

E langka gute gesa ka aitno dagar ke Ida Tapolngon kovok pmi umu ma umangen kap iye e umawaiki umala io umakaranga umodue. E umangen wan ka iye kare ke umu e aitno lumu bitna bitna ine kovok e umepmi iye ine kovok.