Luk 5:17 - Aria New Testament

¹⁷ Ke oklou kene Yesus parere osep e osep Farisi ina leklou e osep ka tile itau ke Moses ila sogongon leklou tidong are blang. Time ke armok pula ke omur Galili e omur Judia e ke Jerusalem blang. E Ida Puda ila arit dong ke Yesus ma iye due osep ka tipaia tipolou itau blang.

Luk 5:17 ပူးပေါင်းရင်းမြစ်များ

Matyu 11:5

Osep ka amtarsak evin tikaranga tivati omur blang e osep ka kamsak timete tikaranga tilila blang. Osep ka paiangan lepra due isak tipolou itau blang e osep ka tikaranga tiklingen pelengon kovok tikaranga tiklingen blang. Osep ka timete kodong tipoga tidong blang e osep ka urok wan isuk boto vala tiklingen omon itau.

Matyu 15:1

Mase osep Farisi ina leklou e osep leklou ka tile itau ke Moses ila sogongon tisongon Jerusalem time ke Yesus e tiwai ke iye langane.

Mak 1:45

E gute tonari lila la deka palongo osep pula ine. Iye due elio langane deka Yesus karanga lila ke armok pula kovok lama osep tivati iye deka tididi iye. Deka iye la dong ke omur ka dong adai vala. E osep ka tidong ke omur pula isak dau time tipolou ke iye.

Mak 16:18

Langka tikis mota ka orsak olune soulu ka due osep timete ma timete kovok batne ke ngong. Langka tinim aki soulu ka due osep timete ma timete kovok. Aurou. Ma tidong vala batne ke ngong. Ma limsak tiduru timunu ke osep ka tipaia deka ma osep tonari inarak paiangan yagos batne ke ngong.”

Mak 3:22

Ari osep ka tile itau ke Moses ila sogongon ka tidong ke Jerusalem tiduru tipolou ke iye blang. Tivati elio ka Yesus due deka tiwai ke osep ka pula langane. “Belsebul dong ke aitno. Iye didi Belsebul ka angelo soulu inarak puda ila arit deka iye sapir angelo soulu ka tidong ke osep.”

Mak 5:30

Deka lokono Yesus ile ila arit la due paiangan gesa polou yagos. Deka iye bauluk e wai langane. “Sei kai lou molo ane?”

Mak 7:1

Osep Farisi ina e osep ka tile itau ke Moses ila sogongon tisongon Jerusalem e tiduni pulu kap Yesus.

Luk 15:2

E osep Farisi ina e osep ka tile itau ke Moses ila sogongon tingurngur ke iye langane. “Gute ane waiki osep epmes ina time ke iye e iye ngen kap isak.”

Luk 2:46

Tikrim ke iye oklou epmes eklu mela yagos deka tipado iye ke Ida Tapolngon ila ninu. Iye dong kap osep parerengen ina e iye klingen ke isak. E iye pmi isak ke pmingen blang.

Luk 5:21

Iye wai langane deka osep Farisi ina e osep ka tile itau ke Moses ila sogongon aitno lisak mter ine e tiwai pulu langane. “Gute ane gute sei ma iye wai soulu ke Ida Tapolngon ila elio? Ida Tapolngon vala karanga sak osep urok elio epmes ina.”

Luk 5:30

E osep Farisi ina e osep ka tile itau ke Moses ila sogongon ka tididi osep Farisi ina tingurngur ke Yesus ila disaipel e tipmi isak langane. “Ina lange umangen e umeinim kap osep ka tidue takis e osep epmes ina?”

Luk 6:19

E osep ka pula keniye tiwaiki tikai iye kesua ila arit polou ke iye e osep ka tikai iye tipolou itau blang.

Luk 7:30

E osep Farisi ina e osep ka tile itau ke Moses ila sogongon tipul dogur ke wan ka Ida Tapolngon waiki tidue kesua isak kla ke Jon ma iye paunim isak kovok.

Luk 8:46

E dau Yesus wai langane. “Gute gesa kai ngong kesua nganamani arit polou la ke ngong.”

Jon 3:10

Deka Yesus wai ke iye langane. “Wom gute parerengen ina ke osep Israel ina e dau emile lou pelengon lana ine kovok i?

Jon 3:21

E osep seisei ka tididi Ida Tapolngon ka iye elio lokono batne e tidue elio itau time ke bublongon ma osep tile malak urok elio itau ka tidue polou batne tini Ida Tapolngon.”

Aposel 19:11

Ari Ida Tapolngon lua Pol e iye due elio arit ina bitna bitna pula langka oglou osep tivati kovok.

Aposel 4:30

Omlua imi ke lem arit e ma lem arit due osep ka tipaia tipolou itau blang. Omlua imi ke lem arit ma imodue elio arit ina bitna bitna ke Yesus ka lem gute bokongon ina ka itau lokono angaine.”

Aposel 5:34

Osep tonari aitno lisak engil lokono ke osep aposel e tiwaiki timete. Deka gute Farisi ina gesa ka angaine Gamaliel tito wai ke isak. Iye gute parerengen ina ke Moses ila sogongon e osep pula tidue anit ke iye. Iye vri deka wai ke osep aposel langane. “Umopolou umala ke dogur.” Deka isak kla ke dogur e tipara are.