Luk 5:14 - Aria New Testament

¹⁴ E Yesus wai dagar ke iye langane. “Amwai ke osep ke elio ane kovok e amla e emnis tarna lugom ke gute loulou ina. Deka omdue elio opmu ina ka Moses wai dagar ine ma osep tile tarna lugom polou itau blang.”

Luk 5:14 ပူးပေါင်းရင်းမြစ်များ

Matyu 10:18

Aitno lumu dagar ke ngong e ke batne langane osep ma tidue umu umevri ke osep ka tiplau omur emkil e osep ka tivri mgo ke omur omur amtarsak. Ma umapalongo urok e osep ka isak osep Yuda ina kovok ke aitno lumu ila dagar.

Matyu 12:16

E iye wai dagar ke isak ma tipalongo osep leklou ke iye kovok.

Matyu 8:4

E Yesus wai ke iye langane. “Amwai ke osep ke elio ane kovok e amla e emnis tarna lugom ke gute loulou ina ma iye ile ompolou itau blang. Deka omdue elio opmu ina langka Moses sogo ine. Omdue langane ma osep leklou tile ompolou itau blang.”

Matyu 9:30

E amtarsak polou itau blang deka Yesus wai dagar ke isak langane. “Umapalongo osep ke elio ane kovok.”

Mak 1:44

Iye wai langane. “Amwai ke osep ke elio ane sakam. Amla ompolou ke gute loulou ina bitna ma iye vati tarna lugom. E emdidi elio ka oglou Moses sogo ine ka la ke osep ka inarak paiangan lepra yagos. Omdue lem wan gesa ma omdue elio opmu ina ine. Omdue elio langane batne ma emnis osep ka pula keniye eknikane ompolou itau.”

Mak 6:11

Langka umala umopolou ke armok gesa ka ina osep tidue umu umesep ke urok ninu kovok e tipono aitno lisak ke lumu pelengon deka umosongon isak e umala ke armok silang blang. Alo ka umosongon armok ka due elio langane deka umasapirpir taklak ina group ka dong ke lumu su. Umodue elio langane kesua batne ma umenis osep tonari ke urok elio soulu ka tiwaiki tiklingen Ida Tapolngon ila pelengon kovok.”

Luk 17:14

E alo ka Yesus vati isak iye wai ke isak langane. “Umala e umenis tarna lumu ke osep loulou ina.” E alo ka tididi ekreng tarna lisak tipolou itau blang.

Luk 5:13

E Yesus limla kai gute tonari e wai langane. “Ngawaiki ngadue langane e oku ane ompolou itau blang.” Deka suong ila paiangan lepra yagos.

Luk 9:5

E langka umopolou ke armok gesa e osep tipli umu deka alo ka umosongon armok tonari umasak taklak ina group ke kopmu. E elio ane nisngen ke urok elio soulu.”