Luk 5:1 - Aria New Testament

¹ Ke oklou kene Yesus vri ke elim Genesaret ina dingen batne e osep pula tidong olwo boto e tipes iye e tiklingen Yesus wai Ida Tapolngon ila pelengon.

Luk 5:1 ပူးပေါင်းရင်းမြစ်များ

Matyu 11:12

“Ke oklou Jon ka paunim osep nogrum napapra ke osep lila me ke oku ane osep ka aitno lisak amnga tiwaiki tidue evlei e tidue omur heven ka Ida Tapolngon plaue.

Matyu 14:34

Alo ka tibru aki tipolou ke omur Genesaret.

Mak 3:9

Yesus vati osep pula tonari time tipolou ke iye deka iye wai ke ila disaipel langane. “Umodue bot gesa e umekere ma iye dong olwo boto ke ngong. Deka langka osep ka time tipolou ke ngong tipor ngong ma ngala ngasep ke bot tonari e ngadong ine.”

Mak 4:1

Oklou silang Yesus dong ke elim Galili ina dingen batne e osep pula pula time tipolou ke iye. E iye la sep ke bot gesa ka dong olwo boto ke aki ina dingen batne deka dong ine. E osep pula pula tonari tivri ke aki ina dingen batne.

Mak 5:24

Yesus klingen Jairus ila pelengon deka la kap iye. Ari osep pula tididi iye e tisodung iye.

Mak 6:53

Yesus gosok ila disaipel tibru aki tonari e tipolou ke omur Genesaret. E tisep ke aki ina dingen batne deka tipou bot.

Luk 12:1

E alo ari osep pula pula langka tausen tausen tiduni pulu are e kamsak tipes pulu. Deka Yesus wai ke ila disaipel langane. “Umaplau umu itau ke osep Farisi ina urok elio ka langka yis. Yis tonari elio ka aitno lisak orwo e tiwaiki tiyak osep ke urok elio lokono.

Luk 5:2

E iye vati bot orwo ke aki ina dingen batne ka osep tisongon isak alo ka tigrong urok lodu ina omdu.

Luk 8:22

Ke oklou kene Yesus sep ke bot kap ila disaipel e wai ke isak langane. “Ma itala ke elim ane burla.” Deka tisongon aki ina dingen batne ma tibru elim.

Luk 8:23

E alo ka isak kla Yesus munu kudung. Deka engen omba polou ke elim e aki sep ke bot e isuk boto bot gro e elio ane kakluk metengen.

Luk 8:33

Deka angelo soulu tisongon gute e tisep ke ovar deka ovar keniye tisuong tiduru ke perper e tisep ke aki e tiunim ine.

Luk 8:45

Deka Yesus pmi osep langane. “Sei kai ngong?” E osep tiwai tikai iye kovok deka Pita wai ke iye langane. “Ngau Puda osep pula pula tidong lelei wom e tipes wom.”

Jon 1:40

E gute kene ke isak ka tiklingen Jon ila pelengon e didi Yesus angaine Andru e iye gute Saimon Pita ina tovro.

Jon 6:1

Mase Yesus la bru elim Galili ke burla. E elim Galili angaine silang elim Taiberias.

Hibru 13:7

Aitno lumu mter ke osep ka oglou tiplau ke umu e tiwai Ida Tapolngon ila pelengon ke umu. Aitno lumu mter ke urok mosongon e urok elio itau e umakana aitno lisak ila dagar.