Luk 4:35 - Aria New Testament

³⁵ E Yesus wai ke iye dagar langane. “Amwai sakam. Ompolou ke gute e amla.” Deka angelo soulu due gute gene duru airavu ke isak e songon iye la. E iye due asmel ke gute kovok.

Luk 4:35 ပူးပေါင်းရင်းမြစ်များ

Matyu 17:18

E Yesus wai dagar ke angelo soulu ka dong ke agau ma songon iye e lokono agau polou itau blang.

Matyu 8:26

E Yesus koli wai langane. “Ina lange umelim? Aitno lumu ila dagar daudeng vala.” Deka iye tito wai dagar ke engen e boitini ma isak yagos. E lokono isak yagos.

Mak 1:26

Angelo soulu tonari klingen Yesus ila pelengon deka iye due gute ka iye dong ke aitno nakarkar omba. Deka iye daiku omba e songon gute tonari la.

Mak 4:39

Yesus tipa deka wai ke engen langane. “Engen yagos.” Iye wai langane deka lokono engen yagos e omur malilo.

Mak 9:26

Angelo soulu klingen Yesus ila pelengon deka iye daiku e due mimi nakarkar omba deka iye songon iye e la. Deka mimi pam-pamu ine munu langka gute ka mete kodong. Deka osep tonari tiwai iye mete kodong.

Luk 11:22

E langka gute silang ke ila arit mole gute tonari me e due evlei e mole iye deka ma iye pi gute ila ola e ila osua ka iye waiki lua iye e tapre isak la. Deka ma iye due gute tonari ila wan bitna bitna keniye e tongo isak ke osep leklou.”

Luk 4:23

Deka Yesus wai ke isak langane. “Aitno lungong langka ma umawai pelengon langane ke ngong. ‘Dokta omlua wom tona.’ Omdue elio ke lem armok batne ane langka imeklingen omdue ke armok Kaperneam.”

Luk 4:39

E iye vri olwo boto ke apmang e wai dagar ma tarna engil kovok deka tarna polou epen e itau blang. Deka suong apmang tonari tito e kamlu ngangon ke isak.

Luk 4:41

E silang angelo soulu tisongon osep pula e tidaiku langane. “Wom Ida Tapolngon Otno Arang.” E Yesus wai dagar ke isak e dangdang isak ma tiwai kovok kesua tile iye gute Krais ka Ida Tapolngon rere ma iye lua osep ke urok elio epmes ina.

Luk 8:24

Deka ila disaipel isak kla ke iye e tidue tipa e tiwai ke iye langane. “Ipem Puda isuk boto ma itemete.” Deka alo ka iye tipa iye wai dagar ke engen e boitini omba ma isak yagos e lokono isak yagos e aki mete.

Luk 9:39

Kesua aling pula angelo soulu due e lokono iye ngangir omba e nakarkar e ene buswok. Angelo soulu tonari due asmel ke iye e waiki songon iye kovok.

Luk 9:42

E alo ka tipaur iye ke Yesus angelo soulu uri iye ke taklak e iye nakarkar omba. E Yesus wai dagar ke angelo soulu ma iye songon mimi la deka Yesus due polou itau blang e kar iye iding ke timla.

Pelengon kukwopngon 12:12

Deka omur heven e umu ka umodong ine umodue sandirngen omba ke elio tonari. E umu ka umodong ke taklak e ke misuon umekepes umu itau. Kesua Satan duru ke umu e aitno engil lokono kesua iye ile isuk boto ma taim ka iye karanga yak osep ma polou yagos.”