Luk 4:1 - Aria New Testament

¹ E Ano Itau ila arit bon ke Yesus deka iye songon aki Jordan e la. E Ano Itau mgo ke iye ke omur ka dong adai vala.

Luk 4:1 ပူးပေါင်းရင်းမြစ်များ

Matyu 3:16

Jon paunim Yesus yagos deka Yesus tito ke aki ina dingen batne e sirva noklok e Yesus vati Ida Tapolngon Ano Itau duru langka belis e munu ke iye.

Luk 2:27

E Ano Itau due aitno e iye la ke Ida Tapolngon ila ninu. E Yesus timla e tna tipaur iye ari ma tididi wan ka Moses ila sogongon wai ine.

Luk 3:3

Deka iye la ke omur ka dong lelei aki Jordan e napapra ma osep tibauluk aitno lisak e tidue elio paunimngen ina. Elio paunimngen ina tonari nisngen vala ke elio ka tibauluk aitno lisak ma Ida Tapolngon sak urok elio epmes ina la.

Luk 3:38

E Kenan gute Enos otno arang e Enos gute Set otno arang e Set gute Adam otno arang e Adam Ida Tapolngon otno arang.

Luk 4:14

E Yesus iding ke omur Galili e Ano Itau ila arit dong ke iye e omon ke wan ke iye due la ke omur ka pula keniye ka lelei omur Galili.

Luk 4:18

“Ida Tapolngon Ano dong ke ngong kesua iye rere ngong ma nganapapra omon itau ke osep ka urok wan isuk boto vala. Iye pagei ngong ma ngapalongo osep ka tidong ke kalabus ma tikaranga kla e tidong fri e ngapalongo osep ka amtarsak evin ma tivati omur blang e ngapalongo osep ka wan bitna bitna opru isak ma timole wan tonari.

Jon 1:32

Deka Jon palongo osep langane. “Ngavati Ano Itau duru ke omur heven langka belis e dong ke iye.

Jon 3:34

Kesua gute ka Ida Tapolngon pagei me napapra ila pelengon e Ida Tapolngon due Ano Itau ila arit bon ke iye.

Aposel 1:2

Ke mgongon alo ka iye me mgo iding ke oklou ka iye bauluk tito ke omur heven. Ke oklou ka iye tito ke omur heven Ano Itau due Yesus aitno ma iye kar ila pelengon ke osep ka oglou iye rere isak ila aposel.

Aposel 10:38

Alo ari Ida Tapolngon due Ano Itau sep ke Yesus ka Nasaret ina aitno e kar iye ila arit. Deka iye lila due elio itau e lua osep ka angelo soulu due isak manga manga. Iye due elio langane kesua Ida Tapolngon dong kap iye.

Aposel 8:39

Iye paunim iye yagos deka isak orwo titito ke aki ina dingen batne deka Ida Puda Ano Itau didi ila arit e kakai Filip la ke omur silang e gute plaungan ina vati iye blang kovok. E gute plaungan ina aitno itau lokono deka iye didi ekreng blang.