Luk 3:18 - Aria New Testament

¹⁸ E ke pelengon dagar pula leklou Jon wai ke osep e napapra omon itau ke isak.

Luk 3:18 ပူးပေါင်းရင်းမြစ်များ

Luk 3:17

E iye kis wan ka iye wade wit erine ke wit otna ine e ma iye gir omur ka timluk wit erine ine ma otna tipolou deka iye gom wit otna ke yage ina ngangon ila ninu. E iye ma uri wit tokonkon ke eiou ka ina yagosngon kovok.”

Luk 3:19

E Jon wai malak ke gute Herot ka plau omur emkil are ke ila elio ka iye due ina aiver ila asap angaine Herodias e asap iye e ke ila elio soulu leklou ka iye due.

Jon 1:15

Gute Jon daiku e palongo ke iye langane. “Gute ane gute ka ngawai ke iye langane. ‘Gute ka me batne ke ngong iye mole ngong kesau iye dong kodong alo ka nina dau divir ngong kovok.’”

Jon 1:29

E ke oklou silang Jon vati Yesus lila me ke iye e wai ke osep langane. “Umavati. Gute are gute ka Ida Tapolngon ila Sipsip Otno ka due osep ke taklak urok elio epmes ina noklok la.

Jon 1:34

E ngavati elio ane e ngapalongo lumu gute ane iye Ida Tapolngon Otno Arang.”

Aposel 2:40

Pita napapra ke osep ari langane deka iye wai pula blang. Iye daiku ke isak pula langane. “Umu keniye umeile umu itau lama umodong soulu langka osep ka tidong oku ane ka tididi elio soulu.”

Aposel 20:2

Iye lila ke omur tonari e kar pelengon itau ke osep ka tidong ine ka due aitno lisak dagar e mase iye polou ke omur Grik.

Pas ka Pol sogoe uti la ke osep Rom ina 12:8

Langka gute gesa ila bokongon langka iye kar osep leklou pelengon ka due aitno lisak tipolou dagar lokono e tile omur lokono Ida Tapolngon waiki ma iye boko dagar ine. E gute ka lua osep leklou ka urok wan isuk boto vala ma iye due langane aling aling. E gute ka mgo ke osep Kristen leklou ma iye boko dagar ine. E gute ka aitno due osep leklou e lua isak Ida Tapolngon waiki ma aitno neser ine.