Luk 3:16 - Aria New Testament

¹⁶ E Jon wai ke isak langane. “Ngapaunim umu ke aki vala e mase gute ma me ka ila arit mole lou arit e ngong gute itau ma ngakaranga ngakles ila su kovok. Ma iye paunim umu ke Ano Itau e ke eiou.

Luk 3:16 ပူးပေါင်းရင်းမြစ်များ

Matyu 3:11

“E ngapaunim umu ke aki ka nisngen ke elio ka umabauluk aitno lumu ke lumu elio epmes ina. E mase gute ka ila arit mole lou arit ma me e lou elio itau ma ngakaranga ngakalke ila su kovok. Ma iye paunim umu ke Ano Itau e ke eiou.

Matyu 3:12

E iye kis wan ka iye wade wit erine ine e iye ma gir omur ka timluk wit erine ine. Iye ma tagom wit otna ke ina yage ila ninu e iye ma uri wit tokonkon ke eiou ka ila yagosngon kovok.”

Jon 1:26

E Jon koli wai ke isak langane. “Ngapaunim osep ke aki e gute kene dong airavu ke umu ka umeile ke iye kovok.

Jon 1:27

Iye gute ka me batne ke ngong e dau ngong gute itau ma ngakaranga ngakles ila su kovok.”

Jon 1:33

E dau ngaile ke iye kovok e Ida Tapolngon ka pagei ngong ngapaunim osep ke aki wai ke ngong langane. ‘Alo ka amvati Ano Itau duru dong ke gute kene ma emile iye gute ka paunim osep ke Ano Itau.’

Jon 7:38

Ane langka Ida Tapolngon ila pelengon ka wai langane. ‘Langka gute aitno dagar ke ngong ma aki ka mosongon ina polou ke aitno e baser la.’”

Aposel 1:5

Oglou Jon me deka iye paunim osep ke aki. E eknikane dau tauni kovok ma Ano Itau duru me dong ke aitno lumu.”

Aposel 10:44

Alo ka Pita dau wai ke isak Ano Itau duru sep ke osep keniye ka tiklingen ila pelengon aitno lisak.

Aposel 2:33

Mase Ida Tapolngon due bauluk tito la ke omur heven deka iye dong ke limla odung. Deka iye didi ila promis ka oglou iye wai e kar Ano Itau ke Yesus. E eknikane elio ka umoklingen ine e umavati ina poloungon batne ke Yesus.”

1 Korin 12:13

Kesua Ano Itau ka kene vala sep ke ite kente kente aitno lite e due ite iteneklep ke Krais deka itopolou langka pampamu ine ka kene vala. Ite ka osep Yuda ina e osep Grik ina e ite ka wokboi nating e ite ka itodong fri. Ida Tapolngon due Ano Itau ka kene vala sep ke ite kente kente aitno lite deka iye dong ine.