Luk 24:44 - Aria New Testament

⁴⁴ Deka iye wai ke isak langane. “Alo ka ngong dau ngadong kap umu ngawai ke umu langane. Wan ka pula keniye ka dong ke Moses ila sogongon e dong ke osep napaprangan ina urok sogongon e dong ke Buk Song ka lana ine me ke ngong ma tipolou lokono.”

Luk 24:44 ပူးပေါင်းရင်းမြစ်များ

Matyu 1:22

Elio ane polou ma wan ka oglou gute napaprangan ina ka Ida Puda due aitno deka iye wai ine polou lokono.

Matyu 16:21

Alo ari Yesus nogrum palongo ila disaipel ma iye la ke Jerusalem e namani elio soulu pula ke osep namormor e osep loulou ina ka omba e osep ka tile itau ke Moses ila sogongon. E ma timter iye ma iye mete e mase ke oklou elku ina ma iye poga tito ke ina denga.

Matyu 26:54

E Ida Tapolngon ila pelengon wai ma elio ane polou ke ngong. Langka Ida Tapolngon pagei ensel ma tilua ngong deka elio ka ila pelengon wai ine ma polou kovok.”

Matyu 26:56

E elio ane polou ma wan ka osep napaprangan ina tiwai ine ke Ida Tapolngon ila pelengon ma polou.” Deka ila disaipel keniye tisongon iye e tiulou.

Mak 9:31

Kesua alo ari iye parere ila disaipel e wai ke isak langane. “Ma osep tikar ngong ka Gute Ka Polou Langka Osep ke osep leklou limsak deka ma tidue burwa ke ngong ma ngamete. Ma ngamete e ngadong ke ngau denga la lama oklou eklu mela yagos deka ma ngapoga ngatito ke ngau denga.”

Luk 21:22

Kesua alo ari taim ka Ida Tapolngon ma ules osep e koli batne ke urok elio soulu eriar langka oglou ila pelengon wai ine.

Luk 22:37

Kesua oglou gute napaprangan ina gesa sogo ke elio ka ma polou ke ngong langane. ‘Osep tivati iye langka iye gute soulu bitna.’ E ngawai langane. Sogongon tonari ka me ke ngong isuk boto ma polou lokono.”

Luk 24:46

E iye wai ke isak langane. “Osep tonari tisogo langane. ‘Gute Krais ka Ida Tapolngon rere ma iye lua osep ma namani elio soulu deka ke oklou eklu ina ma iye poga tito ke ina denga.’

Luk 9:22

E iye wai langane. “Ida Tapolngon waiki Gute Ka Polou Langka Osep iye namani elio soulu pula ke osep namormor e osep loulou ina ka omba e osep ka tile itau ke Moses ila sogongon e ma tipli iye. E timter iye ma iye mete deka mase oklou eklu mela yagos ma iye poga tito ke ina denga. E wan are ma polou.”

Luk 9:44

“Umoklingen itau ke lou pelengon ane. Osep ma tikar ngong ka Gute Ka Polou Langka Osep ke osep leklou limsak.”

Jon 3:14

Eriar langka Moses kakai mota bras tito ke akai palma alo ka iye dong ke omur ka dong adai vala ma osep tidue Gute Ka Polou Langka Osep tito ke akai.

Jon 5:39

Umanana dagar ke Ida Tapolngon ila pelengon kesua aitno lumu mter ila pelengon karanga nis umu ke ekreng ka kar lumu mosongon ka dong vala dong ke umu. E aurou. Pelengon tonari palongo lumu ke ngong.

Jon 5:46

Kesua langka aitno lumu dagar ke wan ka Moses wai ine ma aitno lumu la dagar ke ngong blang kesua iye sogo ke ngong. E aurou. Aitno lumu dagar langane kovok.

Aposel 13:40

Osep umeile umu itau lama elio polou ke umu langka oglou osep napaprangan ina tisogo ine.

Aposel 3:18

Oglou ari Ida Tapolngon due osep napaprangan ina aitno lisak deka tiwai ke elio soulu ma polou ke gute ka iye rere Krais ka lua osep. Mase dau tauni Yesus me dong kap itosep. Deka ari umeile iye itau kovok e umodue elio soulu bitna bitna ke ke iye eriar langka oglou osep napaprangan ina tisogo ine.

Aposel 7:37

Gute Moses iye gute ka wai ke osep Israel ina langane. ‘Mase ma Ida Tapolngon due lumu aten gesa polou gute napaprangan ina eriar langka oglou iye due ngong.’

Hibru 10:1

Moses ila sogongon nisngen vala ke wan itau ka mase ma polou e iye wan itau tonari kovok. Aurou. Iye nisngen vala. Langka osep tididi Moses ila sogongon deka tidue elio opmu ina ke tobor aling aling. E ke batne langane Moses ila sogongon karanga due osep ka kla ke Ida Tapolngon ila ninu tidong itau ke Ida Tapolngon bitna kovok.

Hibru 3:5

Moses dong Ida Tapolngon ila gute bokongon ina e iye didi ila bokongon itau. E iye wai ke pelengon ka mase Ida Tapolngon ma wai ine.

Hibru 7:1

Oglou Melkisedek vri mgo ke omur ka angaine Salem. E iye gute loulou ina ke Ida Tapolngon ka dong egim lokono. Oglou Abraham due evlei kap osep ka tivri mgo ke omur leklou leklou e iye mole isak e due urok wan bitna bitna. Alo ka iye iding ke ila omur Melkisedek soson iye e wai ila kerengen duru ke iye.

Hibru 9:8

Ke wan ane Ano Itau nis ite langane. Alo ka Ida Tapolngon ila ninu molo ina dau dong osep tikaranga tisep ke Eliang Ka Itau Lokono kovok.

1 Pita 1:11

Ari Krais Ano Itau due aitno lisak deka nis isak ke elio ka mase Krais namani agegeng ka polou ke iye. Ano Itau nis osep napaprangan ina ke elio tonari deka tiwaiki tile omur lesen ma elio tonari polou lokono e elio itau lokono lange ma polou.

Pelengon kukwopngon 19:10

Ngaklingen ensel wai deka ngagrum kongu olwo boto ke kamla e ngawaiki ngalotuim iye e iye wai ke ngong langane. “Omdue langane sakam. Ngong Ida Tapolngon ila gute bokongon ina langka wom e lem osua ka umekis dagar ke pelengon ka Yesus wai ine. Omlotuim Ida Tapolngon vala. Kesua iteile pelengon ka Yesus wai ine sruk osep napaprangan ina aitno lisak ma tinapapra ine.”